786 సంఖ్యకు ఇస్లాంలో ఎందుకు అంత ప్రాదాన్య‌త‌..

786 సంఖ్యకు ఇస్లాంలో ఎందుకు అంత ప్రాదాన్య‌త‌..

786 సంఖ్యను మహమదీయులు ఎంతో పవిత్రమైనది గా, ఏంతో అదృష్ట దాయకమైనది గా భావిస్తారు.

ఇక కొన్నాళకు దాని ఉన్న నమ్మకం ఇతర ధర్మాల వారికి కుడా పాకింది.

కానీ అసలు ఈ సంఖ్య ఏమిటి ? దీని గొప్పతనం ఏమిటి??

ఈ సంఖ్య “బిస్మిల్లాహ్ అల్-రహ్మాన్ అల్-రహీం ” అన్న వాక్యాన్నీ సూచిస్తుంది ,

దాని అర్ధం “అల్లాహ్, ఓహ్ దయగల వాడా , ఓహ్ కరుణామయుడా “. ప్రతి పని ఆరంభించే ముందు దీనిని తలుచుకుంటే మంచి జరుగుతుంది అని వారు భావిస్తారు.

మరి ఆ వాక్యం ఇలా అంకెల్లోకి ఎలా మారింది?

ఆ వాక్యం లోని ప్రతి అక్షరానికి ఒక సంఖ్యిక విలువ ఉంటుంది ఆ విలువలని కూడితే 786 అవుతుంది .

మరి ఆ అక్షరాలలు ఆ విలువలు ఎలా ఇచ్చారు ?

దాని కోసం అబ్జాడ్ అంకెల వ్యవస్ధను వాడారు . అందులో వారి వర్ణమాలలొని మొదటి 9 అక్షరాలకు 1–9 విలువలు , తరువాతి 9 అక్షరాలకు 10–90 విలువలు , ఆలా అన్ని అక్షరాలకు ఇచ్చారు . దానిని క్రింద చూడగలరు .

అలీఫ్ – 1, బా – 2, జీమ్ – 3, దాల్ – 4, హా (చిన్న) – 5, వా – 6, జా – 7, హా (పెద్ద) – 8, తౌ – 9

యా – 10, కాఫ్ – 20, లామ్ – 30, మీమ్ – 40, నూన్ – 50, సీన్ – 60, అయిన్ – 70, ఫా – 80, సౌద్ – 90

క్వాఫ్ – 100, రా – 200, షీన్ – 300, తా – 400, థా – 500, ఖా – 600, థాల్ – 700, ధౌద్ – 800, థౌ – 900, ఘైన్ – 1000

ఆలా ఈ వాక్యంలో ఉన్న ప్రతి అక్షరానికి ఈ విలువలు వస్తున్నాయి:

బా = 2; సీన్ = 60; మీమ్ = 40; అలీఫ్ = 1; లామ్ = 30; లామ్ = 30; హా (చిన్న) = 5; అలీఫ్ = 1; లామ్ = 30; రా = 200; హా (పెద్ద) = 8; మీమ్ = 40; నూన్ = 50; అలీఫ్ = 1; లామ్ = 30; రా = 200; హా (పెద్ద) = 8; యా = 10; మీమ్ = 40.

ఇక ఈ విలువలన్ని కలిపితే 786 వచ్చింది .

ఆలా 786 అనేది ఈ వాక్యానికి ప్రతీకగా ప్రాచుర్యం పొందిది .

ఈ సంఖ్య సీరియల్ అంకె ఉన్న డబ్బు నోట్లకు కూడా సేకర్తలు ఆసక్తి కనబరుస్తున్నారు .

ఆ వాక్యమును పవిత్రంగా భావించే కొందరు మహమదీయులు ఇలా సంక్షిప్త రూపాలు వాడుటను వ్యతిరేకిస్తున్నారు కూడా .

ఇదండీ ఈ మూడంకెల వెనుకున్న చరిత .