ఏపీలో వాలంటీర్ల వ్యవస్థ ఉంటుందా, లేదా?.. ఒక్కమాటలో తేల్చేసిన సీఎం చంద్రబాబు

ఏపీలో వాలంటీర్ల వ్యవస్థపై గందరగోళం కొనసాగుతోంది. వాలంటీర్లను కొనసాగిస్తారా లేదా అనే అనుమానాలు మొదలయ్యాయి. ఈ క్రమంలో ముఖ్యమంత్రి చంద్రబాబు ఎన్డీఏ ఎమ్మెల్యేలు, ఎంపీల సమావేశంలో వాలంటీర్లపై ఆసక్తికర వ్యాఖ్యలు చేశారు. అలాగే వాలంటీర్ల వ్యవస్థపై చర్చకు.. ఆ అంశాన్ని కూడా ఏపీ కేబినెట్‌ ఎజెండాలో చేర్చినప్పటికీ.. ప్రభుత్వం పక్కన పెట్టింది. ముఖ్యమంత్రి చంద్రబాబు గ్రామ సచివాలయాలు, వాలంటీర్లు, ప్రభుత్వ శాఖల్ని ఇంటిగ్రేటెడ్‌ చేస్తూ సమగ్రమైన నివేదిక ఇవ్వాలని ఆ శాఖ అధికారుల్ని ఆదేశించినట్లు మంత్రి పార్థసారథి తెలిపారు. మొత్తం మీద ప్రభుత్వం వాలంటీర్ల వ్యవస్థన ఉంటుందని చెబుతూనే.. త్వరలోనే నిర్ణయం తీసుకుంటామంటోంది.