ఐకాన్ స్టార్ అల్లు అర్జున్‌కి ప్రపంచవ్యాప్తంగా కోట్లాది మంది అభిమానులు ఉన్నారు. టాలీవుడ్ ఐకాన్ స్టార్ అల్లు అర్జున్‌ని కలిసేందుకు ఓ అభిమాని ఉత్తరప్రదేశ్‌లోని అలీగఢ్ నుంచి సైకిల్‌పై హైదరాబాద్‌కు వచ్చాడు. ఈ విషయం అల్లు అర్జున్ దృష్టికి వెళ్లడంతో వెంటనే ఆ అభిమానిని కలిశారు. సైకిల్‌పై 1600 కిలోమీటర్లు ప్రయాణించాడు అని తెలిసి అల్లు అర్జున్ షాక్ అయ్యాడు. అల్లు అర్జున్‌ని చూసి ఆ అభిమాని కన్నీళ్లు పెట్టుకున్నాడు. అయితే అల్లు అర్జున్ తన అభిమానిని సైకిల్ మీద వెళ్ళవద్దని తాను ఫ్లైట్ ఏదైనా బుక్ చేయిస్తానని తన స్టాఫ్ కి ఆ విషయాన్ని తెలిపాడు. ఇది అంత చూసి ‘మీ అభిమానం సల్లగుండా’.. అని అల్లు అర్జున్ ఫ్యాన్స్ అంటున్నారు. ఇప్పుడు ఈ వీడియో సోషల్ మీడియాలో వైరల్ అవుతోంది.
మీ అభిమానం సల్లగుండా..! ‘పుష్ప రాజ్’ని కలవడానికి.. యూపీ నుండి 1600 కి.మీ సైకిల్ తొక్కిన అభిమాని
