వైఎస్ జగన్ కి ఆస్కార్ అవార్డు ఇవ్వాలి : వైఎస్ షర్మిలా

ఏపీ సీఎం జగన్ పై వైఎస్ షర్మిలా సంచలన వ్యాఖ్యలు చేసారు. అబద్ధాలను అందంగా అల్లటంలో వైఎస్ జగన్ కి గారికి ఆస్కార్ అవార్డు ఇవ్వాలి అని అన్నారు. శాలువలు, సన్మానాలు, అవార్డులు కోరుకొనే ముందు జగన్ గారు కొన్ని ప్రశ్నలకు సమాధానం చెప్పాలని షర్మిలా అన్నారు. అదానీతో ఒప్పందానికి దేశంలో ఏ రాష్ట్రం ముందుకు రాకుంటే.. ఆగమేఘాల మీద ఒప్పందానికి మీరు ముందుకు వచ్చినందుకు మీకు అవార్డులు ఇవ్వాలా ? అని ప్రశ్నించారు. నిజంగా అదానీతో చేసుకున్న ఒప్పందంలో అవినీతి లేకుంటే, అదానీతో రహస్య ఒప్పందాలు జరగకుంటే, అమెరికా దర్యాప్తు సంస్థలు మీ మీద తప్పుడు ఆరోపణలు చేసి ఉంటే, మీరు అదానీ వల్ల ఆర్థికంగా లబ్ధి పొందలేదు అని బైబిల్ మీద ప్రమాణం చేయండి. దమ్ముంటే జగన్ మోహన్ రెడ్డి గారు ఈ సవాల్‌ను స్వీకరించాలి అని షర్మిలా అన్నారు.