– 22 స్థానాల్లో లీడింగ్
– 10 చోట్ల ఎంఎన్ఎఫ్ లీడ్
ఇదేనిజం, తెలంగాణ బ్యూరో: మిజోరంలో ఎన్నికల కౌంటింగ్ కొనసాగుతోంది. ఇప్పటివరకు వచ్చిన ఫలితాల్లో జెడ్ పీఎం ఆధిక్యంలో ఉంది. ఉదయం 8 గంటలకు కౌంటింగ్ ప్రారంభించగా.. తొలుత పోస్టల్‌ బ్యాలెట్ ఓట్లను లెక్కించారు. ఆ తర్వాత ఈవీఎం ఓట్ల కౌంటింగ్ చేపట్టారు. ఇప్పటివరకు వెలువడిన ఫలితాల ప్రకారం.. ప్రతిపక్ష జోరం పీపుల్స్‌ మూవ్‌మెంట్‌ పార్టీ 22 స్థానాల్లో ఆధిక్యంలో కొనసాగుతోంది. అధికార మిజో నేషనల్ ఫ్రంట్‌ 10 చోట్ల ముందంజలో ఉంది. బీజేపీ, కాంగ్రెస్‌ చెరో స్థానంలో ఆధిక్యంలో ఉన్నాయి. రాష్ట్రంలో మొత్తం 40 అసెంబ్లీ స్థానాలున్నాయి. నవంబరు 7న పోలింగ్‌ నిర్వహించారు.
