డైటింగ్ అంటే తినడం మానేయడం అనుకుంటారు చాలా మంది. కానీ, డైటింగ్ అంటే సరిగ్గా తినడం, తినడం మానేయడం మాత్రం కాదు. డైటింగ్ అంటే సరైన సమయంలో సరైన ఆహారం సరైన మోతాదులో తీసుకోవడం, అంతే. సో, ఎలా తినాలో ఇక్కడ చూడండి.
1. అందరికీ ఒకే డైట్ ప్లాన్ సరిపోదు. మనలో ప్రతి ఒక్కరి పోషకాహార అవసరాలు వేరేలా ఉంటాయి. ఒకరికి సరిపోయిన ప్లాన్ మరొకరికి సరిపోదు. మీ అవసరాలకి సరిపోయే డైటింగ్ ప్లాన్ మీరు ఎంచుకోండి.
2. మీరు ఎంత సేపూ ఆహారం, దాని పోషక విలువలూ, తీసుకుంటున్న క్యాలరీలూ వీటి మీదే ఫోకస్ పెడుతూ ఉండి ఉంటే, మీ ఫోకస్ ని హెల్దీ ఫుడ్ తీసుకున్నాక వచ్చే ఆనందం మీదకి మరల్చండి.
4. మీరు మీ ఆకలిని బట్టి తింటున్నారో లేదో గమినించుకోండి. మధ్యాన్నం లంచ్ స్కిప్ చేద్దామనో, నైట్ డిన్నర్ మానేద్దామనో అనుకోకండి. మీరు తీసుకునే ఆహారం ద్వారానే మీ కావలసిన శక్తి లభిస్తుంది.
5. ఒక ప్లాన్ ప్రకారం వండుకుంటే బయట ఫుడ్ తినక్కర్లేదు, ఇంట్లో కూడా వండడం తేలికగా, తక్కువ టైమ్ లో అయిపోతుంది.
6. తినేటప్పుడు రుచి, వాసన అన్నింటినీ గమనించుకుంటూ తినండి. ఫుడ్ వేడిగా ఉందా, గోరు వెచ్చగా ఉందా చూడండి. ఫుడ్ చూస్తూనే ఆకలి పెరిగిందా గమనించండి. నోట్లో పెట్టుకోగానే మెత్తగా లోపలికి జారిపోయిందా, బాగా నమిలి తినాల్సి వచ్చిందా అని చూడండి. ఒక్క మాటలో చెప్పాలంటే మీ ఫుడ్ ని మీ ఫైవ్ సెన్సెస్ తో ఎక్స్పీరియెన్స్ చేయండి.
7. ఎన్ని రకాల ఆహార పదార్ధాలు ఇంక్లూడ్ చేసుకోవచ్చో చూడండి, ఎన్ని రకాలు మానేయాలో కాదు. ఇంక్లూడ్ చేసుకునే ఫుడ్స్ హెల్దీ గా ఎలా వండుకోవాలో ఆలోచించండి.
8. వారమంతా వండిన కూరగాయ వండకుండా చూడండి. అప్పుడు అన్ని న్యూట్రియెంట్స్ అందుతాయి, వెరైటీ కోల్పోకుండా ఉంటాం.
9. మీకు బాగా అలవాటైన, మీ ఫ్యామిలీ లో అందరూ తినే ఆహారమే మీరూ తినండి. ఎక్కడో ఏదో దేశం లో తినేది మనకి అక్కరలేదు, మనకి సరిపడదు.
10. రోజులో పచ్చి కూరలు, పండ్లు కనీసం ఒక్కసారైనా తీసుకోవాలని గుర్తు పెట్టుకోండి.
11. మీ ఆకలిని బట్టి తినండి, భోజనం సమయం అయిపోయింది కాబట్టి కాదు. ఆకలి వేసినప్పుడు తింటేనే తిన్నది త్వరగా అరుగుతుంది. మీకు కావలసిన శక్తి లభిస్తుంది.
12. మీకు ఎప్పుడు ఏది తినాలనిపిస్తే అది తినండి. అంటే ఇడ్లీ బ్రేక్ ఫాస్ట్ లోనే కాదు, లంచ్ లో కూడా తినవచ్చు. చపాతీ బ్రేక్ ఫాస్ట్ లో తినవచ్చు. మీరు రెగ్యులర్ గా తీసుకునే హెల్దీ ఫుడ్ టైమ్ మారినా పెద్ద ప్రాబ్లం ఏమీ లేదు.
13. ఆహారాన్ని ఒక వరంగా భావించండి. దానికి కృతజ్ఞతలు చెబుతూ తినండి. మీరు తినే ఫుడ్ ని రెస్పెక్ట్ చేయండి.
14. మన సంస్కృతిని బట్టే మన ఆహారం ఉంటుంది. లోకల్ గా, సీజనల్ గా దొరికే ఫుడ్స్ అన్నీ తీసుకోండి. వాటిని సాంప్రదాయ పద్ధతిలో వండుకోండి.
చివరగా, మనం చేసే పనీ, నిద్ర, ఎక్సర్సైజ్, ఆలోచన, సీజన్ వంటి వాటిని బట్టి మన ఆకలి ఉంటుంది. ఆకలిని బట్టి తినడమే మంచి పద్ధతి. తినేది జంక్ ఫుడ్ కాకుండా, హెల్దీ ఫుడ్ ప్రాపర్ క్వాంటిటీస్ లో తింటే చాలు.
గమనిక: ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
