Akhanda Movie first day collections : ‘అఖండ’ భారీ కలెక్షన్లు.. వసూళ్ల లెక్కలు ఇలా..
బాలకృష్ణ, బోయపాటి శ్రీను కాంబినేషన్లో వచ్చిన హ్యాట్రిక్ మూవీ ‘అఖండ(Akhanda Movie)’ సూపర్ హిట్ టాక్ తెచ్చుకుంది.
ఈ చిత్రంలో బాలయ్య నటవిశ్వరూపానికి ప్రేక్షకుల నుంచి విశేషమైన స్పందన వస్తోంది.
ఇరు తెలుగు రాష్ట్రాలతో పాటు ఓవర్సీస్ లో సైతం ఈ సినిమా వసూళ్ల పరంగా దూసుకుపోతోంది.
తొలిరోజు వసూళ్లను చూస్తుంటే ఈ చిత్రం భారీ కలెక్షన్లను సాధించే అవకాశం ఉన్నట్టు కనిపిస్తోంది.
ఈ చిత్రానికి తొలిరోజు రూ. 23 కోట్ల గ్రాస్, రూ. 15.39 కోట్ల నెట్ వసూళ్లు వచ్చినట్టు ట్రేడ్ వర్గాలు తెలిపాయి.
ఓవర్సీస్ లో రూ. 3.24 కోట్లు వసూలు చేసింది.
తెలుగు రాష్ట్రాల్లో ఏరియాల వారిగా కలెక్షన్స్ వివరాలు:
- నైజాం – రూ. 4.39 కోట్లు
- సీడెడ్ – రూ. 4.02 కోట్లు
- ఉత్తరాంధ్ర – రూ. 1.36 కోట్లు
- ఈస్ట్ గోదావరి – రూ. 1.05 కోట్లు
- వెస్ట్ గోదావరి – రూ. 96 లక్షలు
- గుంటూరు – రూ. 1.87 కోట్లు
- కృష్ణా – రూ. 81 లక్షలు
- నెల్లూరు – రూ. 93 లక్షలు
కరోనా సెకండ్ వేవ్ తర్వాత అత్యధిక ఓపెనింగ్ కలెక్షన్లను సాధించిన టాలీవుడ్ చిత్రంగా ‘అఖండ’ రికార్డులకెక్కింది.
మరోవైపు ఈ చిత్రం రూ. 53 కోట్ల మేర ప్రీరిలీజ్ బిజినెస్ చేసింది.
ఈ నేపథ్యంలో రూ. 54 కోట్లు వసూలు చేస్తే బ్రేక్ ఈవెన్ లోకి వెళ్తుంది.
వీకెండ్ సమయం కావడంతో శనివారం, ఆదివారాలు ఎలాగూ ఈ సినిమాకు భారీ కలెక్షన్లు ఉంటాయి.
దీంతో ఈ చిత్రం బ్రేక్ ఈవెన్ ను క్రాస్ చేయడమే కాకుండా.. భారీ లాభాలను సాధిస్తుందని ట్రేడ్ అనలిస్టులు అంచనా వేస్తున్నారు.
