Harish rao:ఎవరు రాష్ట్రానికి వచ్చిన కేసీఆర్ ని తీడుతున్నారని మంత్రి హరీష్‌రావు ఆరోపించారు. మొన్న రాహుల్ , ఈ రోజు మోదీ వచ్చినా తిట్టుడే పనిగా పెట్టుకున్నారని విమర్శించారు . ఢిల్లీలో అవార్డులు ఇచ్చి గల్లీలో తిడుతున్నారని అన్నారు . తెలంగాణ ప్రభుత్వం పెట్టిన ప్రతి పథకం పేరు మార్చి మోడీ ప్రభుత్వం కాపీ కొట్టారని ఆరోపించారు . మేం పని మంచిగా చేయకపోతే ఎందుకు మా పథకాలను కాపీ కొట్టారు..ఎందుకు ఢిల్లీలో అవార్డులు ఇస్తున్నారని ప్రశ్నించారు .
పెట్టుబడులు తెలంగాణ కు వస్తున్నాయి అని ప్రధాని మోడీ అంటున్నారు. పెట్టుబడులు వస్తున్నాయి అంటే కేసీఆర్ గొప్పతనం అని కొనియాడారు . తెలంగాణ కి చాలా నిధులు ఇచ్చాము అని ప్రధాని అంటున్నారు.. మీరు డబ్బులు ఇవ్వలేదు..మాకు రావాల్సిన నిధులు ఆపారని అన్నారు . మీకు నిజంగా తెలంగాణపై ప్రేమ ఉంటే నిజంగా మాకు రావాల్సిన డబ్బులు ఇవ్వండని డిమాండ్ చేశారు .
మీకు నిజంగా చిత్తశుద్ధి ఉంటే గిరిజన యూనివర్సిటీ ఇవ్వండని కోరారు . కోచ్ ఫ్యాక్టరీ అడిగితే వ్యాగన్ యూనిట్ ఇచ్చారని విమర్శించారు . బయ్యారం ఉక్కు ఫ్యాక్టరీ ఇవ్వలేదని అన్నారు . బురద జల్లుడు తప్ప మీరు చేసేందేమి లేదన్నారు .ఏమన్నా అంటే ఈడీ ఉపయోగిస్తున్నారు. మీకు ఈడీలు, సీబీఐ లు అండగా ఉండవచ్చుమాకు తెలంగాణ ప్రజలు అండగా ఉంటారని హరీష్‌రావు అన్నారు
