టాలీవుడ్‌లో మరో విషాదం.. తెలుగు దర్శకుడు మృతి..!

టాలీవుడ్‌లో మరో విషాదం చోటుచేసుకుంది. ‘నేను మీకు తెలుసా’ మూవీ దర్శకుడు అజయ్ మృతి చెందారు. హీరో మనోజ్ ఈ విషయాన్ని సోషల్ మీడియా ద్వారా వెల్లడించారు. ‘నా బెస్ట్ ఫ్రెండ్ అజయ్ ఇక లేరు. ఆ బాధను పదాలు వర్ణించలేవు. ఆయన కుటుంబ సభ్యులకు, ఆత్మీయులకు ధైర్యాన్ని ప్రసాదించాలని శివుడిని ప్రార్థిస్తున్నాను. ఓం శాంతి. నిన్ను ఎప్పటికీ ప్రేమిస్తున్నాను బాబాయ్‘ అని ఎక్స్ లో పోస్ట్ పెట్టారు. హైదరాబాద్‌లో పుట్టి పెరిగిన అజయ్ శాస్త్రి.. డైరెక్టర్ కృష్ణవంశీ తీసిన ‘రాఖీ’, ‘డేంజర్’ చిత్రాలకు రైటర్‌గా పనిచేశారు. 2008లో ‘నేను మీకు తెలుసా?’ మూవీతో దర్శకుడిగా మారారు. అయితే ఆయన మృతికి గల కారణాలు తెలియాల్సివుంది.