సూపర్ స్టార్ మహేష్ బాబు ఈ ఏడాది సంక్రాంతి పండుకి ‘గుంటూరు కారం’ సినిమాతో ప్రేక్షకులను పలకరించారు. ప్రస్తుతం మహేష్ రాజమౌళితో సినిమా చేయడానికి రెడీ అవుతున్నాడు. అయితే మహేష్ బాబు తన అభిమానులకు ట్రీట్ ఇవ్వబోతున్నాడనే టాక్ వినిపిస్తోంది. అంటే మహేష్ ఓ సినిమాలో అతిధి పాత్రలో కనిపించబోతున్నాడనే టాక్ వినిపిస్తోంది.
మహేష్ మేనల్లుడు అశోక్ గల్లా హీరోగా నటిస్తున్న కొత్త సినిమా ‘దేవకీ నందన వాసుదేవ’. ఈ సినిమాకి ‘హనుమాన్’ ఫేమ్ ప్రశాంత్ వర్మ దీనికి కథను అందించగా, అర్జున్ జంధ్యాల దర్శకత్వం వహించారు. నవంబర్ 14న విడుదల కానున్న ఈ సినిమాకు సంబంధించిన ఓ విషయం సోషల్ మీడియాలో వైరల్ గా మారింది. ఈ సినిమాలో మహేష్ బాబు అతిథి పాత్రలో కనిపిస్తాడని, క్లైమాక్స్ లో శ్రీకృష్ణుడికి సంబంధించిన కొన్ని సన్నివేశాలు ఉంటాయని, కృష్ణుడిగా మహేష్ నటిస్తే బాగుంటుందని యూనిట్ భావించినట్లు తెలుస్తోంది. ఈ మేరకు మహేష్‌ని చిత్రబృందం ఒప్పించి షూట్ చేసిందని టాక్ వినిపిస్తుంది. అయితే దీనిపై ఇంకా అధికారిక ప్రకటన రాలేదు.
