టాలీవుడ్ బాస్, మెగాస్టార్ చిరంజీవి హీరోగా యూవీ క్రియేషన్స్ బ్యానర్పై యువ దర్శకుడు మల్లిడి వశిష్ఠ భారీ సోషియో ఫాంటసీ మూవీ చేయనున్న విషయం తెలిసిందే. ఇది మెగాస్టార్ కెరీర్లో 156వ సినిమా కానుంది. కీరవాణి సంగీతం అందించనుండగా.. చోటా కె నాయుడు సినిమాటోగ్రాఫర్. ప్రస్తుతం ప్రీ ప్రొడక్షన్ వర్క్ ఫుల్ స్వింగ్లో జరుగుతోంది. అయితే, ఈ సినిమాకు సంబంధించి ఓ ఇంగ్లిష్ పత్రికతో ముచ్చటించిన దర్శకుడు వశిష్ట పలు ఇంట్రెస్టింగ్ విషయాలు వెల్లడించారు. తన చిన్నతనంలో మెగాస్టార్ గారి జగదేకవీరుడు అతిలోక సుందరి మూవీ చూసి ఎంతో ఆశ్చర్యపోయానని అన్నారు. ఆ విధమైన సోషియో ఫాంటసి మూవీని మెగాస్టార్ మళ్లీ చేయలేదని, మధ్యలో అంజి వచ్చినప్పటికీ అది పూర్తి స్థాయి ఫాంటసీ మూవీ కాదన్నారు. అందుకే తాను ప్రస్తుతం తీయబోయే సినిమా విషయంలో ఎంతో శ్రద్ధ తీసుకుని ఒక సరికొత్త ప్రపంచాన్ని సృష్టిస్తున్నట్లు తెలిపారు. ఈ మూవీలో దాదాపుగా 70 శాతానికి పైగా విజువల్ ఎఫెక్ట్స్ ఉంటాయని, తప్పకుండా చిరంజీవి గారి ఫ్యాన్స్ మాత్రమే కాదు ఆడియన్స్ అందరూ ఆయన నుండి ఆశించే అన్ని అంశాలు తన పాత్రలో ఉంటాయని తెలిపారు. త్వరలో సెట్స్ మీదకు వెళ్లనున్న ఈ మూవీ గురించి మరిన్ని విషయాలు ఒక్కొక్కటిగా రాబోయే రోజుల్లో వెల్లడవుతాయని తెలిపారు వశిష్ట.
- Advertisment -
