సేల్స్ ఎగ్జిక్యూటివ్ గా పనిచేస్తున్న ఓ యువతి పై ఇద్దరు సహచర ఉద్యోగుల అత్యాచారయత్నం..!

ఇదేనిజం,శేరిలింగంపల్లి: సేల్స్ ఎగ్జిక్యూటివ్ గా పనిచేస్తున్న ఓ యువతిపై ఇద్దరు సహచర ఉద్యోగులు హత్యాచారానికి యత్నించిన ఘటన ఆలస్యంగా వెలుగులోకి వచ్చింది. ఈ ఘటన మియాపూర్ పోలీసు స్టేషన్ పరిధిలో చోటుచేసుకుంది. బాధితురాలు, పోలీసులు తెలిపిన వివరాల ప్రకారం.. కడప జిల్లాకు చెందిన ఓ యువతి గత నెలలో నగరానికి వచ్చి ఉప్పల్ లో నివాసం ఉంటూ మియాపూర్ లోని ఓ రియలేస్టేట్ కంపెనీలో సేల్స్ డిపార్ట్మెంట్ లో ట్రైనీగా జాయిన్ అయింది. అయితే అదే రియలేస్టేట్ కంపెనీలో సేల్స్ ఎగ్జిక్యూటివ్ గా పనిచేస్తున్న సంగారెడ్డి, జనార్దన్ అనే ఇద్దరు వ్యక్తులు ఆ యువతిని సైట్ విజిట్ కోసం కారులో తీసుకువెళ్ళారు. ఈ క్రమంలో ఆమె పై హత్యాచారానికి యత్నించారు. అయితే వారి నుండి చాకచక్యంగా తప్పించుకున్న ఆ యువతి గతరాత్రి ఉప్పల్ పోలీసులను ఆశ్రయించింది. ఆమె నుండి ఫిర్యాదు స్వీకరించిన పోలీసులు జీరో ఎఫ్ ఐ ఆర్ కింద కేసు నమోదు చేసి, అక్కడి నుండి మియాపూర్ కు పంపించారు. హత్యాచార ఘటన పై కేసు దర్యాప్తు చేస్తున్నట్లు మియాపూర్ సీఐ దుర్గ రామలింగ ప్రసాద్ తెలిపారు.