సిద్దిపేటలో ముఖ్య‌మంత్రి ప‌ర్య‌ట‌న, ఇత‌ర అభివృద్ది ప‌నుల ప్రారంభోత్స‌వ కార్య‌క్ర‌మాల‌ను ముగించుకుని హైదరాబాద్ వెళ్తుండగా మంత్రి హరీష్ రావు కాన్వాయ్ ప్ర‌మాదానికి గుర‌యింది.
కాన్వాయ్‌లో ముందు వెళ్తున్న కారుకు అడవి పందులు అడ్డు రావ‌డంలో డ్రైవ‌ర్‌ సడెన్ గా బ్రేక్ వేయాల్సివ‌చ్చింది.
ఆ కారుకు వెనుకనే వ‌స్తున్న మంత్రి కూర్చున్న వాహ‌నం ముందు వాహ‌నాన్ని డీకొట్టింది.
దీంతో కారులోని సిబ్బందిలోని ఓ వ్యక్తికి స్వల్పగాయాలయ్యాయి.
గాయాపాలయిన వ్యక్తిని ఆసుపత్రికి పంపించి మరోకారులో హైద్రాబాద్ వెళ్లారు మంత్రి హరీష్ రావు.
ఈ ప్ర‌మాదంలో కారు ముందు భాగం కొంత ధ్వంసం అయింది. కొండపాక మండలం బంధారం దర్గా కమాన్ సమీపంలో ప్రమాదం జ‌రిగింది.
