Actress Noor Malabika Das
బాలీవుడ్ నటి నూర్ మాలాబికా దాస్ (37) అనుమానాస్పదంగా మృతి చెందింది. ముంబయిలోని తన ఫ్లాట్లో విగతజీవిగా కనిపించారు. ఆమె మృతదేహాన్ని స్వాధీనం చేసుకున్న పోలీసులు నూర్ ఆత్మహత్య చేసుకున్నట్లుగా భావిస్తున్నారు. నూర్ స్వస్తలం అసోం. స్థానికుల కథనం ప్రకారం.. ఆమె మృతదేహాన్ని కుటుంబసభ్యులు ఎవరూ తీసుకెళ్లేందుకు రాలేదు. అంధేరిలో ఉన్న నూర్ ఫ్లాట్ నుంచి దుర్వాసన వస్తున్నట్లు స్థానికులు పోలీసులకు ఫిర్యాదు చేశారు. పోలీసులు ఆ ఫ్లాట్‌కు చేరుకొని తలుపును తెరిచారు. ఆ సమయంలో నూర్ మృతదేహం కుళ్లిపోయిన దశలో కనిపించింది. పోస్టుమార్టం కోసం డెడ్బాడీని ఆసుపత్రికి తరలించారు.
కాగా, 2023లో రిలీజైన లీగల్ డ్రామా ‘ది ట్రైల్’ వెబ్ సిరీస్లో నటి కాజోల్తో కలిసి నూర్ నటించారు. సిస్కియాన్, టీకీ చట్నీ, వాల్క్మన్, చరమ్సుఖ్ సహా పలు హిందీ సినిమాలు, వెబ్ సిరీస్లలోనూ నటించారు నూర్. అయితే ఇప్పుడు ఆమె మరణవార్త అందరినీ షాక్కు గురి చేస్తోంది.
