2030 కల్లా AIకి మానవ తెలివితేటలు.. కానీ ఈ సమస్యలు తప్పవా?

2030 కల్లా కృత్రిమ మేధస్సు (AI) మానవ తెలివితేటలతో సమానంగా ఉండవచ్చని గూగుల్ డీప్‌మైండ్ ఇటీవల విడుదల చేసిన 145 పేజీల పరిశోధన పరిశోధన పత్రాలలో పేర్కొంది.. AGI అభివృద్ధి వల్ల సంభవించే 4 ప్రధాన రిస్క్‌లను ప్రస్తావించారు. అందులో దుర్వినియోగం, అనుకూలీకరణ లోపం, తప్పిదాలు, నిర్మాణాత్మక ప్రమాదాలు. ఈ రిస్క్‌లను తగ్గించేందుకు.. అభివృద్ధి సంస్థలు, సమాజం, పాలసీ మార్పులతో జాగ్రత్తలు తీసుకోవాలని సూచించారు. ​
అయితే, ఈ పరిణామంతో పాటు కొన్ని తీవ్రమైన ఆందోళనలను కూడా ఈ పత్రం హైలైట్ చేసింది. AGI అభివృద్ధి మానవాళికి అస్తిత్వ సంక్షోభాన్ని తెచ్చిపెట్టే అవకాశం ఉందని, అది “మానవ జాతిని శాశ్వతంగా నాశనం చేసే” ప్రమాదాలను కలిగి ఉండవచ్చని హెచ్చరించింది. ఈ ప్రమాదాలలో అనియంత్రిత AI వ్యవస్థలు, నైతిక సమస్యలు, మరియు సామాజిక-ఆర్థిక అసమానతలు పెరగడం వంటివి ఉండవచ్చు.