రైతులకు అలర్ట్.. ఇలా చేస్తే రుణ‌మాఫీకి అన‌ర్హులే.. రుణమాఫీకి మార్గదర్శకాలు విడుదల..!

పంటల రుణమాఫీకి తెలంగాణ ప్రభుత్వం మార్గదర్శకాలు విడుదల చేసింది. అందులో రైతులకు ప్ర‌భుత్వం కొన్ని సూచ‌న‌లు చేసింది. ప్రతి రైతు కుటుంబానికి రూ.2లక్షల వరకు రుణమాఫీ వర్తిస్తుందని వ్యవసాయశాఖ స్పష్టం చేసింది. 2018 డిసెంబర్‌ 12 నుంచి 2023 డిసెంబర్‌ 13 వరకు తీసుకున్న పంట రుణాల బకాయిలకు మాత్రమే ఈ రుణమాఫీ వర్తిస్తుందని, రైతు కుటుంబం గుర్తింపునకు రేషన్‌కార్డు ప్రామాణికమని తెలిపింది. ఈ పథకం కింద రుణమాఫీ పొందడానికి రైతులు తప్పుడు సమాచారం ఇచ్చినట్టు గుర్తించినట్లయితే లేదా మోసపూరితంగా పంటరుణాన్ని పొందినట్లు గుర్తిస్తే వారు పంట రుణమాఫీకి అర్హులు కారని తెలిపింది. పొందిన రుణమాఫీ మొత్తాన్ని రైతు తిరిగి ప్రభుత్వానికి చెల్లించాల్సి ఉంటుందని ప్రభుత్వం పేర్కొంది.