– నెటిజన్ల కామెంట్లు
– బిగ్ బీ సరదా రియాక్షన్
ఇదేనిజం, నేషనల్ బ్యూరో: బిగ్ బీ అమితాబ్ బచ్చన్ ను ఉద్దేశించి నెటిజన్లు వినూత్న రీతిలో కామెంట్లు పెడుతున్నారు. అమితాబ్ జీ మీరు ఫైనల్ మ్యాచ్ కు వెళ్లొద్దు ప్లీజ్ అంటూ పోస్టులు, కామెంట్లు పెడుతున్నారు. బిగ్ బీ కూడా సరదాగా స్పందించడం ఇప్పుడు అందరి దృష్టినీ ఆకర్షిస్తోంది. సెమీస్‌లో న్యూజిలాండ్‌పై భారత్‌ ఘన విజయం సాధించి ఫైనల్‌కు దూసుకెళ్లిన విషయం తెలిసిందే. దీంతో సోషల్‌ మీడియాలో టీమిండియాకు అభినందనలు వెల్లువెత్తాయి. అమితాబ్ ఈ మ్యాచ్‌పై ఫన్నీగా పోస్ట్ చేశారు. ‘నేను మ్యాచ్ చూడకపోతే. ఇండియా కచ్చితంగా గెలుస్తుంది’ అని రాశారు. దీంతో నెటిజన్లు అమితాబ్ కు విరుద్ధంగా కామెంట్లు పెడుతున్నారు.
