– ఏడుగురు చిన్నారులకు తీవ్ర గాయాలు
– ఇద్దరి పరిస్థితి సీరియస్
– ఏపీలోని వైజాగ్లో ఘటన
ఇదే నిజం, ఏపీ బ్యూరో: చిన్నారులను స్కూల్కు తీసుకెళ్తున్న ఆటో లారీని ఢీకొట్టగా.. ఏడుగురు పిల్లలు తీవ్రంగా గాయపడ్డారు. ఈ ఘటన ఏపీలోని వైజాగ్లో జరిగింది. వివరాల్లోకి వెళ్తే.. బుధవారం ఉదయం వైజాగ్ రైల్వే స్టేషన్ నుంచి సిరిపురం వైపు స్కూల్ పిల్లలతో వెళ్తున్న
ఓ ఆటో సంగం శరత్‌ థియేటర్‌ సర్కిల్ వద్ద ఓవర్స్పీడ్తో వెళ్లడంతో అదుపుతప్పి లారీని పక్క నుంచి ఢీకొట్టింది. దీంతో ఆటో ఒక్కసారిగా మూడు పల్టీలు కొట్టింది. అందులో ఉన్న ఏడుగురు పిల్లలు తీవ్రంగా గాయపడ్డారు. వీరిలో ఇద్దరి పరిస్థితి విషమంగా ఉంది. రహదారిపై రక్తపు మడుగులో పడి ఉన్న స్టూడెంట్లను సమీపంలోని ఓ ప్రైవేటు ఆసుపత్రికి తరలించారు.ఆటో డ్రైవర్‌ నిర్లక్ష్యం వల్లే ప్రమాదం జరిగిందని సీసీ కెమెరా ఫుటేజ్ను పరిశీలించిన అనంతరం పోలీసులు వెల్లడించారు.
మరో ఘటనలో..
వైజాగ్లోని మధురవాడ – నగరం పాలెం రోడ్డులో ఆటో బోల్తా పడి విద్యార్థులకు గాయాలయ్యాయి. మధురవాడ నుంచి నగరంపాలెం వైపు వస్తున్న ఆటో అదుపుతప్పి బోల్తా పడింది. ప్రమాద సమయంలో ఆటోలో ఎనిమిది మంది విద్యార్థులు ఉండగా.. వారందరూ స్వల్పంగా గాయపడ్డారు.
