బలగం వేణు ‘ఎల్లమ్మ’ సినిమాకి హీరో కరువు

కమెడియన్ వేణు తన సినీ కెరీర్ లో.. జై, రణం, దొంగల బండి, మున్నా, కంత్రి వంటి సినిమాలలో కామెడీ పాత్రలోతో జనాలని అలరించాడు. ఆ తరువాత దర్శకుడిగా మారిన కమెడియన్ వేణు ‘బలగం’ సినిమాతో బ్లాక్ బస్టర్ హిట్ అందుకున్నాడు. ఇపుడు తన తదుపరి ప్రాజెక్ట్ కోసం ‘ఎల్లమ్మ’ అనే టైటిల్ తో ఇప్పటికే వేణు ఓ కథను సిద్ధం చేసుకున్నాడు. తెలంగాణ నేప‌థ్యంలో మాస్, యాక్ష‌న్ జాన‌ర్‌లో సాగే క‌థ‌తో ఎల్లమ్మ స్క్రిప్ట్ సిద్ధ‌మైన‌ట్లు వినికిడి. శ్రీ వెంకటేశ్వర క్రియేషన్స్ బ్యానర్‌పై భారీ బడ్జెట్‌తో ఈ సినిమాని రూపొందించేందుకు దిల్ రాజు సిద్ధమవుతున్నారు. అయితే ఈ సినిమాకి హీరో ఎవరన్నది మాత్రం వేణు ఇంకా కన్ఫర్మ్ చేయలేదు. అయితే ముందుగా ఈ సినిమాకు నేచురల్ స్టార్ నాని హీరోగా కన్ఫర్మ్ అయిన .. ఆ తరువాత నాని ఈ ప్రాజెక్ట్ నుంచి తప్పుకున్నట్లు ప్రకటించారు. ఆ తరువాత ఈ సినిమాలో హీరోగా నితిన్ పేరు కూడా వినిపించింది…ఆల్ మోస్ట్ కన్ఫర్మ్ అయ్యిందని అనుకుంటే.. నితిన్ కూడా ఈ ప్రాజెక్ట్ నుండి తప్పుకునట్లు తెలుస్తుంది. ఇదిలా ఉంటే ఈ సినిమాపై మరో ప్రచారం మొదలైంది. ‘హనుమాన్’ ఫేమ్ తేజ సజ్జతో ఈ సినిమా చేయాలని వేణు ప్రయత్నిస్తున్నాడు .తాజాగా తేజ సజ్జకు వేణు కథ చెప్పాడని టాక్ వినిపిస్తోంది. అయితే తేజ కూడా సినిమా చేస్తాననే క్లారిటీ ఇవ్వలేదు.ఆయన కాకపోతే వేణు ఎవరితో చేస్తాడో చూడాలి.