‘Bhrama Yugam’ shooting complete within two months..! రెండు నెలల్లోనే ‘Bhrama Yugam’ షూటింగ్ కంప్లీట్..!

మలయాళ స్టార్ మమ్ముట్టి హీరోగా నటిస్తున్న పాన్‌ ఇండియా సినిమా ‘భ్రమయుగం’. రాహుల్‌ సదాశివం డైరెక్టర్. అర్జున్‌ అశోకన్‌, సిద్ధార్థ్‌ భరతన్‌, అమూల్దా లైజ్‌ కీలకపాత్రల్లో నటిస్తున్నాయి. క్రిస్టో జవీర్‌ మ్యూజిక్ ఇస్తున్నాడు. అయితే, ఈ సినిమాకు సంబంధించి డైరెక్టర్ రాహుల్ సదాశివం తాజాగా ఓ ఇంట్రెస్టింగ్​ న్యూస్​ చెప్పాడు. ఈ ఏడాది ఆగస్టు 17 నుంచి ఒట్టపాలెం, కొచ్చి, అదిరపల్లి ప్రాంతాల్లో షూటింగ్ చేశామని, 2 నెలల్లోనే షూటింగ్ కంప్లీట్ చేసినట్లు తెలిపాడు. అయితే, పాన్ ఇండియా సినిమా షూటింగ్ కేవలం రెండు నెలల్లో పూర్తిచేయడమంటే విశేషమనే చెప్పాలి. కొన్నాళ్ల ముందు ఫస్ట్‌ లుక్ పోస్టర్‌ విడుదల చేయగా మంచి రెస్పాన్స్ వచ్చిందని స్వయంగా రాహుల్ చెప్పాడు. ఈ క్రమంలోనే ఈ మూవీ రిలీజ్ కోసం అభిమానులు ఆసక్తిగా ఎదురుచూస్తున్నారన్నాడు. వైవిధ్య భరితమైన హారర్ థ్రిల్లర్‌ కథా చిత్రంగా ‘భ్రమయుగం’ ఉంటుందని డైరెక్టర్ రాహుల్ చెప్పుకొచ్చాడు. ఈ ఏడాదే మూవీని థియేటర్లలోకి తీసుకురానున్నట్లు తెలిపాడు.