బిగ్ బాస్ నామినేషన్స్.. ఈ వారం ఆ ఆరుగురు బలి.. ఆమెని సేవ్ చేసిన నిఖిల్..!

బిగ్ బాస్ ఎనిమిదో సీజన్ నాలుగో వారం నామినేషన్ ప్రక్రియ ఇప్పటికే ముగిసింది. తాజా సమాచారం ప్రకారం ఆరుగురిని మాత్రమే నామినేట్ అయ్యారని తెలుస్తుంది. వీరిలో ప్రేరణ, పృథ్వీరాజ్ శెట్టి, నాగ మణికంఠ, ఆదిత్యం ఓం, నబీల్, సోనియా ఆకుల ఎలిమినేషన్ జోన్‌లోకి వచ్చినట్లుగా తెలుస్తుంది. ప్రస్తుతం ప్రసారమవుతున్న బిగ్ బాస్ ఎనిమిదో సీజన్‌లో అనేక అనూహ్య పరిణామాలు చోటు చేసుకున్నాయి. ముఖ్యంగా నామినేషన్లలో చీఫ్‌లకు స్పెషల్ పవర్స్ ఇస్తున్నారు. అందుకే ఇప్పుడు నిఖిల్‌కి ఎవరినైనా కాపాడే శక్తిని బిగ్ బాస్ ఇచ్చారని తెలుస్తుంది. అయితే నిఖిల్‌ ఈ వారం నామినేషన్స్‌లో ఉన్న నైనికను తప్పించాడు. దీంతో ఆమె ఈ వారం నామినేషన్ నుంచి సేఫ్ అయిందని తెలుస్తుంది.