బాలయ్య మూవీలో విలన్​గా బాబీ డియోల్?

అఖండ, వీరసింహారెడ్డి, భగవంత్​ కేసరి.. ఇలా బ్యాక్​ టు బ్యాక్ హిట్లతో ఫుల్​ జోష్​లో ఉన్నారు బాలకృష్ణ. ఆయన మరో హ్యాట్రిక్ అందుకోవాలని బాలయ్య ఫ్యాన్స్ ఎదురు చూస్తున్నారు. ప్రస్తుతం మాస్​ డైరెక్టర్ బాబీతో బాలకృష్ణ ఓ యాక్షన్ డ్రామా మూవీ చేస్తున్నారు. బాలయ్య కెరీర్​లో ఇది 109వ సినిమాగా కాగా.. మంచి అంచనాలు నెలకొన్నాయి. ఇక, ఈ సినిమాపై ఇప్పుడు ఓ ఇంట్రెస్టింగ్ బజ్ వినిపిస్తుంది. ‘యానిమల్’ మూవీలో విలన్​గా నటించిన బాలీవుడ్ స్టార్ బాబీ డియోల్​ను బాలయ్య సినిమాలో కనిపించనున్నట్లు తెలుస్తోంది. బాబీ డియోల్ ఈ సినిమాలో విలన్​గా నటిస్తాడనే రూమర్స్​ వినిపిస్తున్నాయి. ఇది నిజమైతే యాక్షన్​ మరో లెవెల్​లో ఉంటుందని బాలయ్య ఫ్యాన్స్ సంబురపడిపోతున్నారు.