జర్నలిస్ట్ చిలుక ప్రవీణ్ పై గుర్తు తెలియని దుండగులు దాడి చేశారు. చిలుక ప్రవీణ్ ప్రతి రోజు యూట్యూబ్ చానల్ లో వార్తా పత్రికల విశ్లేషణలు చేస్తుంటారు. తీన్మార్ మల్లన్నకు వ్యతిరేకంగా నిత్యం ఆయన ఓ యూట్యూబ్ చానల్ లో మాట్లాడుతుంటారు. కాంగ్రెస్ ప్రభుత్వం చేసే తప్పిదాలను కూడా ఎత్తి చూపుతుంటారు. చిలుక ప్రవీణ్ గతంలో తీన్మార్ మల్లన్నకు సంబంధించిన చానల్ లోనే పనిచేసేవారు. ఆ తర్వాత విబేధాలు తలెత్తి బయటకు వచ్చారు.
తాజాగా చిలుక ప్రవీణ్ మీద దాడి జరగడంపై పలు అనుమానాలు వ్యక్తమవుతున్నాయి. ఈ దాడి కాంగ్రెస్ కార్యకర్తలు చేశారా? లేక తీన్మార్ మల్లన్న అనుచరులు చేశారా? అన్నది వేచి చూడాలి. చిలుక ప్రవీణ్ మీద దాడి చేసిన దృశ్యాలు సీసీ కెమెరాల్లో రికార్డ్ అయ్యాయి. ఈ ఘటన ఎక్కడ జరిగిందో స్పష్టంగా తెలియడం లేదు. ఇందుకు సంబంధించిన ఫోటో ఇప్పుడు వైరల్ గా మారింది.
