– హస్తిన పెద్దలకు తెలియకుండా జరిగే చాన్స్ లేదు
– కాంగ్రెస్ సీనియర్ నేత చింతా మోహన్
Chandrababu arrest: ఇదేనిజం, హైదరాబాద్: చంద్రబాబును అరెస్ట్ చేయడం వెనక ఢిల్లీ పెద్దల కుట్ర దాగి ఉందని కాంగ్రెస్ సీనియర్ నేత, కేంద్ర మాజీ మంత్రి చింతా మోహన్ ఆరోపించారు. గురువారం ఆయన హైదరాబాద్లో మీడియాతో మాట్లాడారు. హస్తిన పెద్దలకు తెలియకుండా చంద్రబాబు అరెస్ట్ జరిగే అవకాశమే లేదని వ్యాఖ్యానించారు. చంద్రబాబు తప్పు చేసి ఉండరని చెప్పుకొచ్చారు.
సుప్రీంకోర్టులో చంద్రబాబుకు న్యాయం జరిగే అవకాశం ఉందని చెప్పారు. చంద్రబాబు అరెస్ట్ పై ఇటీవల వరసగా పలు పార్టీలకు చెందిన నేతలు స్పందిస్తున్న విషయం తెలిసిందే. ఇక స్కిల్ డెవలప్ మెంట్ స్కామ్ కేసులో అరెస్టయిన చంద్రబాబు నాయుడు ప్రస్తుతం రాజమండ్రి సెంట్రల్ జైలులో రిమాండ్ ఖైదీగా ఉన్నారు.