– అంతా ఒక్కటై తమపై దాడులకు దిగుతున్నారు
– తెలంగాణలో అధికారం మాదే
– బీజేపీ జాతీయ ప్రధాన కార్యదర్శి బండి సంజయ్
ఇదేనిజం, తెలంగాణ బ్యూరో : కాంగ్రెస్, బీఆర్ఎస్ దొందు దొందే అని బీజేపీ జాతీయ ప్రధాన కార్యదర్శి, కరీంనగర్ ఎంపీ బండి సంజయ్ అన్నారు. ఆదివారం బండి విలేకరులతో మాట్లాడుతూ బీఆర్ఎస్, కాంగ్రెస్, ఎంఐఎం ఎప్పుడూ కలిసే ఉంటాయన్నారు. ఢిల్లీలో ఈ పార్టీల నేతలంతా కలిసి మీడియా సమావేశం కూడా పెట్టారన్నారు. వారంతా కలిసి బీజేపీని టార్గెట్ చేసి, తమపై దాడులకు దిగుతున్నారన్నారు. 2014 తర్వాత 2018లో భారతీయ జనతా పార్టీ ఓటింగ్‌ శాతం పెరిగిందన్నారు. కాంగ్రెస్ భవిష్యత్తు ముఖ్యమంత్రి కేసీఆర్ పైనే ఆధారపడి ఉందన్నారు. అందుకే కాంగ్రెస్ నేతలు భయపడుతున్నారన్నారు. వచ్చే ఎన్నికల్లో అటు కేంద్రంలో, ఇటు రాష్ట్రంలో బీజేపీ అధికారంలోకి రావడం ఖాయమన్నారు. ప్రధాని మోదీ ప్రవేశ పెట్టిన పథకాలతో తాము తెలంగాణలో ప్రభుత్వాన్ని ఏర్పాటు చేస్తామన్నారు.
