– సినీ పరిశ్రమను ఆదుకుంటుందన్న నమ్మకం ఉంది
– ప్రముఖ నిర్మాత అల్లు అరవింద్
ఇదేనిజం, తెలంగాణ బ్యూరో: రాష్ట్రంలో కాంగ్రెస్ పార్టీ అధికారంలోకి రావడం సంతోషంగా ఉందని ప్రముఖ నిర్మాత అల్లు అరవింద్ పేర్కొన్నారు. కాంగ్రెస్ ప్రభుత్వం సినీ రంగ సమస్యలను పరిష్కరిస్తుందన్న నమ్మకం ఉందన్నారు. సినీ పరిశ్రమను ఆదుకోవడం కాంగ్రెస్ ప్రభుత్వానికి కొత్త కాదని చెప్పుకొచ్చారు. ఇంతకు ముందున్న ప్రభుత్వాలు సినీ పరిశ్రమను ఎంతో ప్రోత్సహించాయన్నారు. ఈ ప్రభుత్వం కూడా సినీ పరిశ్రమను ప్రోత్సహిస్తుందనుకుంటున్నామని తెలిపారు. కాంగ్రెస్ ప్రభుత్వాన్ని స్వాగతిస్తున్నామన్నారు. త్వరలోనే సినీ పరిశ్రమ తరపున కాంగ్రెస్ ప్రభుత్వ పెద్దలను కలుస్తామని అల్లు అరవింద్ పేర్కొన్నారు.
