గ్లోబల్ స్టార్, యంగ్ టైగర్ ఎన్టీఆర్ హీరోగా జాన్వీ కపూర్ హీరోయిన్గా దర్శకుడు కొరటాల శివ తెరకెక్కిస్తున్న భారీ పాన్ ఇండియా మూవీ ‘దేవర’. ఆర్ఆర్ఆర్ తర్వాత ఎన్టీఆర్ చేస్తున్న సినిమా కావడంతో పాన్ ఇండియా లెవెల్లో మంచి హైప్ నెలకొంది. అయితే, రానున్న కొన్ని రోజుల్లో దేవర గ్లింప్స్ కూడా వచ్చే చాన్స్ ఉందని గట్టి టాక్ వినిపించింది. దేవర సినిమాపై ఎన్టీఆర్ సోదరుడు, హీరో నందమూరి కళ్యాణ్ రామ్ ఇంట్రెస్టింగ్ అప్డేట్ అందించాడు. తన లేటెస్ట్ మూవీ డెవిల్ ప్రమోషన్స్లో భాగంగా కళ్యాణ్ రామ్ మాట్లాడుతూ.. దేవర సినిమా 80 శాతం షూటింగ్ కంప్లీట్ అయ్యిందని కన్ఫర్మ్ చేశాడు. అదే విధంగా దేవర ఫస్ట్ గ్లింప్స్, వీఎఫ్ఎక్స్ పనులు అనుకున్న టైమ్కు కంప్లీట్ అయితే రిలీజ్ డేట్ను అనౌన్స్ చేస్తామన్నాడు. దేవర మూవీలో బాలీవుడ్ స్టార్ నటుడు సైఫ్ అలీఖాన్ విలన్గా నటిస్తుండగా.. అనిరుధ్ రవిచందర్ మ్యూజిక్ అందిస్తున్నాడు. వచ్చే ఏడాది ఉగాది కానుకగా ఈ సినిమా రిలీజ్ కానుంది.