మంచిర్యాలలో గంజాయి రవాణా చేస్తున్న నలుగురు అరెస్ట్

ఇదే నిజం, మంచిర్యాల: మంచిర్యాలలో గంజాయి రవాణా చేస్తున్న నలుగురిని అరెస్ట్ చేసినట్లు పట్టణ సీఐ బన్సీలాల్ తెలిపారు. స్థానిక రైల్వే స్టేషన్ సమీపంలో అనుమానాస్పదంగా కనిపించిన భూక్యా సారయ్య, శ్యామ్, వెంకటేశ్, రిజ్వాన్ను అదుపులోకి తీసుకున్నారు. వారి వద్ద నుంచి 1,100 గ్రాముల గంజాయి, రూ.4 వేల నగదు, నాలుగు మొబైల్ ఫోన్లు స్వాధీనం చేసుకున్నట్లు సీఐ వెల్లడించారు. నిందితులను విచారించగా, వారు ఇచ్చిన వాంగ్మూలం ప్రకారంగా తాగుడుకు బానిసై ఈజీగా మనీ సంపాదించాలని దురుద్దేశంతో మహారాష్ట్ర లోని పాన్ షాప్ నడుపుకునే వ్యక్తి దగ్గర నుండి తక్కువ ధరకు గంజాయి తీసుకొచ్చి, మంచిర్యాలలో తెలిసిన వ్యక్తులకు అమ్ముతున్నామని తెలిపారు. వారి సెల్ ఫోన్లు పరిశీలించగా చాలామంది. గంజాయి కొని అమ్ముకునే వారి నంబర్లు అందులో ఉన్నాయని తెలిపారు. ఈ కార్యక్రమంలో పోలీసు అధికారులు కానిస్టేబుల్స్ తదితరులు పాల్గొన్నారు.