‘పఠాన్’,‘జవాన్’సినిమాలతో ఈ ఏడాది బ్యాక్ టు బ్యాక్ హిట్లు కొట్టిన బాలీవుడ్ బాద్ షా షారుఖ్ ఖాన్ హ్యాట్రిక్పై కన్నేశాడు. తాజాగా ఆయన నటించిన సినిమా ‘డంకీ’ రిలీజ్కు సిద్ధంగా ఉంది. బాలీవుడ్ టాప్ డైరెక్టర్ రాజ్కుమార్ హిరానీ తెరకెక్కించిన డన్కీ సినిమాపై మొదటి నుంచి మంచి బజ్ క్రియేట్ అయ్యింది. ఫన్ ప్రోమోస్, పాటలతో ప్రమోట్ చేస్తూ వచ్చిన మేకర్స్ తాజాగా సినిమా ట్రైలర్ను మంగళవారం రిలీజ్ చేశారు. నవ్వులతో పాటు భావోద్వేగాన్ని పంచుతోన్న ఈ ట్రైలర్ చూసి సినీ లవర్స్ ఖుష్‌ అవుతున్నారు. తాజాగా దీనిపై షారుఖ్ ట్వీట్‌ చేశారు. ట్రైలర్ను సోషల్ మీడియాలో పంచుకున్న బాద్ షా.. ‘రాజ్ కుమార్ హిరానీ విజన్‌ నుంచి ఈ కథ నాతో మొదలవుతుంది. నా ఫ్రెండ్స్‌తో కలిసి నేను దీన్ని ముగిస్తాను. స్నేహం, కామెడీ, విషాదం.. ఇలా ఎన్నో ఎమోషన్స్‌ ఇందులో ఉన్నాయి. ఇది చూసిన ప్రతి ఒక్కరికీ వాళ్ల కుటుంబంతో ముడిపడిన జ్ఞాపకాలు గుర్తొస్తాయి.
అందరి ఎదురుచూపులు ఫలించాయి. ట్రైలర్ను చూసి ఆనందించండి’అని రాశారు. ఇక షారుఖ్ చెప్పినట్లే ట్రైలర్ ఉంది. వినోదంతో మొదలైన ఈ ట్రైలర్‌లో ఎన్నో భావోద్వేగాలను చూపించారు. చివరలో షారుఖ్ను ఓల్డ్ ఏజ్ మ్యాన్గా చూపించి ముగించారు. ఇప్పటి వరకు సినిమాపై ఉన్న అంచనాలను ఈ ట్రైలర్ రెట్టింపు చేసింది. ఇక ప్రస్తుతం ‘డంకీ’ హ్యాష్‌ట్యాగ్‌ సోషల్ మీడియాలో ట్రెండ్‌ అవుతోంది. అలాగే దీని అర్థాన్ని కూడా నెటిజన్లు గూగుల్‌లో తెగ వెతికేస్తున్నారు. దీని గురించి గతంలోనే షారుఖ్, రాజ్ కుమార్ హిరానీ వివరించారు. ‘డంకీ’ అంటే మరోదేశంలోకి అక్రమంగా చొరబడడం అని.. భారత్‌ నుంచి ఎన్నో దేశాలు దాటి యూకేలోకి అక్రమంగా ప్రవేశించాలని ప్రయత్నించే నలుగురు స్నేహితుల చుట్టూ ఈ కథ తిరుగుతుంటుందని ఓ ఇంటర్వ్యూలో షారుఖ్ చెప్పారు. భారీ అంచనాల మధ్య డన్కీ సినిమా ఈ నెల 21న ప్రపంచవ్యాప్తంగా విడుదల కానుంది. తాప్సీ హీరోయిన్‌గా నటించిన ఈ చిత్రాన్ని జియో స్టూడియోస్‌, రెడ్‌ చిల్లీస్‌ ఎంటర్‌టైన్‌మెంట్స్‌, రాజ్కుమార్ హిరాణీ ఫిల్మ్స్‌ సంస్థలు నిర్మిస్తున్నాయి.
