– BRS లోకి గాలి అనిల్ కుమార్
ఇదే నిజం, తెలంగాణ బ్యూరో: కాంగ్రెస్‌ పార్టీకి రాజీనామా చేసిన పీసీసీ ఉపాధ్యక్షుడు, ఆ పార్టీ మెదక్‌ పార్లమెంటు నియోజకవర్గ ఇన్‌చార్జి గాలి అనిల్‌కుమార్‌ను మంత్రి హరీశ్‌ రావు బీఆర్ఎస్లోకి ఆహ్వానించారు. కాంగ్రెస్‌కు అనిల్ రాజీనామా చేసి 24 గంటలు గడవకముందే గురువారం తెల్లవారుజామున ఆయన ఇంటికి మంత్రి హరీశ్‌ వెళ్లారు. అక్కడే టిఫిన్ చేసిన మంత్రి.. బీఆర్ఎస్లోకి రావాలని అనిల్‌ను ఆహ్వానించారు. దీంతో ఆయన గులాబీ పార్టీలో చేరుతున్నట్లు ప్రకటించారు. నర్సాపూర్‌లో జరిగే సభలో గులాబీ కండువా కప్పుకోనున్నట్లు తెలిపారు. బీసీలకు అన్యాయం చేసినందున కాంగ్రెస్‌ పార్టీకి రాజీనామా చేస్తున్నట్లు గాలి అనిల్‌కుమార్‌ చెప్పారు.
