విశ్వక్సేన్ హీరోగా.. అంజలి, నేహాశెట్టి హీరోయిన్లుగా కృష్ణచైతన్య దర్శకత్వంలో తెరకెక్కిన సినిమా ‘గ్యాంగ్స్ ఆఫ్ గోదావరి’. ఈ సినిమా ట్విట్టర్ టాక్ ఎలా ఉందొ తెలుసుకుందాం..గ్యాంగ్స్ ఆఫ్ గోదావరి మాస్ ఫీస్ట్ అని విశ్వక్సేన్ ఫ్యాన్స్ ట్వీట్స్ చేస్తున్నారు. లంక గ్రామాల్లోని హింస‌పై పోరాడిన ఓ యువ‌కుడి క‌థ‌తో ద‌ర్శ‌కుడు కృష్ణ చైత‌న్య ఈ మూవీని తెర‌కెక్కించిన‌ట్లు చెబుతున్నారు.. విశ్వక్సేన్ వాయిస్ ఓవ‌ర్‌తోనే ఈ మూవీ ఇంట్రెస్టింగ్‌గా ప్రారంభ‌మ‌వుతుంద‌ని అంటున్నారు. ఫ‌స్ట్ యాక్షన్ ఎపిసోడ్‌తో పాటు మిగిలిన ఇంట‌ర్వెల్‌ ఫైట్ సీక్వెన్స్‌లు అదిరిపోయాయ‌ని కామెంట్స్ చేస్తున్నారు. ఆడు మొద‌టి మూడు పోట్లు అమ్మోరికి వ‌దిలేశాడు అయ్యా…లాంటి డైలాగ్స్ థియేట‌ర్ల‌లో విజిల్స్ ప‌డ‌తాయ‌ని ఓ నెటిజ‌న్ ట్వీట్ చేశాడు.
కామెడి, యాక్షన్, మిక్స్‌డ్‌గా లంక‌ల ర‌త్న పాత్రలో విశ్వక్సేన్ యాక్టింగ్ బాగుంద‌ని నెటిజ‌న్లు చెబుతోన్నారు. విశ్వక్ సేన్‌లోని మాస్ కోణాన్ని కొత్త యాంగిల్‌లో చూపించిన సినిమా ఇద‌ని అంటున్నారు. . బుజ్జి పాత్రలో నేహాశెట్టి న‌ట‌న బాగుంద‌ని, ప‌ల్లెటూరి అమ్మాయి పాత్రలో ఆమె చూపించిన వేరియేష‌న్స్ ఆక‌ట్టుకుంటాయ‌ని నెటిజ‌న్లు కామెంట్స్ చేస్తున్నారు.
యువ‌న్ శంక‌ర్ రాజా బీజీఎమ్ సినిమాకు ప్రాణం పోసింద‌ని ఓ నెటిజ‌న్ ట్వీట్ చేశాడు. గ్యాంగ్స్ ఆఫ్ గోదావరి కోసం ద‌ర్శ‌కుడు కృష్ణ చైత‌న్య ఎంచుకున్న పాయింట్ బాగుంద‌ని చెబుతోన్నారు. రేసీ స్క్రీన్‌ప్లేతో ఎలాంటి ల్యాగ్ లేకుండా సినిమాను న‌డిపించాడ‌ని అంటున్నారు. రా అండ్ ర‌స్టిక్‌గా ఈ మూవీ సాగుతుంద‌ని, బ్యాక్‌డ్రాప్‌, మాస్ డైలాగ్స్ బాగున్నాయ‌ని ట్వీట్స్ చేస్తున్నారు. ఫైనల్ గా ‘గ్యాంగ్స్ ఆఫ్ గోదావరి’ ఒక మాస్ ఫీస్ట్.. విశ్వక్సేన్ నట విశ్వరూపం చూపించాడు అని నెటిజ‌న్స్ ట్వీట్స్ చేస్తున్నారు.
