మందుబాబులకు గుడ్ న్యూస్.. తెలంగాణలోకి కొత్త బీర్లు ..!

ఇదేనిజం, తెలంగాణ బ్యూరో: రాష్ట్రంలోకి కొత్త బీర్లు ఎంట్రీ ఇవ్వబోతున్నాయి. ప్రస్తుతం రాష్ట్రంలో కొన్ని కింగ్ ఫిషర్ లాంటి కొన్ని బీర్లకు కృత్రిమ కొరత సృష్టించినట్టు ఆరోపణలు వినిపిస్తున్న విషయం తెలిసిందే. మూడు నెలలుగా బీర్లు దొరకడం లేదు. దీని వెనుక భారీ కుట్ర జ‌రుగుతున్న‌ట్లు ప‌లు మీడియా సంస్థలు వార్తలు రాసుకొచ్చాయి. కమీషన్ కోసం తెలంగాణలో కొత్త బ్రాండ్లకు గేట్లు తెరిచే అవ‌కాశం ఉంద‌ని వార్త‌లు వ‌చ్చాయి. అందుకు అనుగుణంగానే తాజాగా రాష్ట్రంలోకి కొత్త బీర్లు రాబోతున్నట్టు తెలుస్తోంది. ఈ మేరకు కొత్త బ్రాండ్ బీర్లు ఇవేనంటూ ఫొటో నెట్టింట తెగ హల్ చల్ చేస్తోంది. తెలంగాణలో త‌మ బ్రాండ్ బీర్ సరఫరా చేసుకునేందుకు సోమ్ డిస్టిల‌రీస్ అనుమతి పొందినట్టు సమాచారం. ప‌వ‌ర్ 1000, హంట‌ర్, బ్లాక్ ఫోర్ట్, వుడ్ పీక‌ర్ వంటి పేర్లతో కొత్త బీర్లు షాపుల్లోకి అందుబాటులోకి రానున్నాయి. ప్రస్తుతం వైన్ షాపుల్లో కింగ్ ఫిషర్, ఆర్‌సీ, 5000 వంటి బీర్లు అందుబాటులో ఉన్నాయి.