ఏపీ ప్రజలకు గుడ్ న్యూస్.. దీపావళి నుంచి ఉచిత గ్యాస్ సిలిండర్లు..!

ఏపీ ప్రజలకు ప్రభుత్వం మరో శుభవార్త చెప్పింది. ఎన్నికల సమయంలో ఇచ్చిన ఉచిత గ్యాస్ సిలిండర్ల పథకాన్ని అమలు చేయబోతున్నట్లు మంత్రి నాదెండ్ల మనోహర్ వెల్లడించారు. దీపావళి కానుకగా ఆ రోజు నుంచి రాష్ట్రంలో ఉచిత గ్యాస్ సిలిండర్ల పథకాన్ని అమలు చేయబోతున్నట్లు మంత్రి స్పష్టం చేశారు. ఇప్పటికే ఈ విషయాన్ని సీఎం చంద్రబాబు సహా పలువురు మంత్రులు, ఎమ్మెల్యేలు పలు సందర్భాల్లో వెల్లడించిన విషయం తెలిసిందే. ఈ పథకం కింద అర్హులకు ఏడాదికి మూడు గ్యాస్ సిలిండర్లు ఫ్రీగా అందిస్తామని మంత్రి నాదెండ్ల మనోహర్ తెలిపారు.