HBD Sai Pallavi: “తండేల్” మూవీ నుంచి సాయి పల్లవి స్పెషల్ వీడియో..!

చందూ మొండేటి దర్శకత్వం లో నాగ చైతన్య హీరోగా సాయి పల్లవి హీరోయిన్ గా తెరకెక్కుతున్న “తండేల్” (Thandel). ఈ సినిమాపై ప్రేక్షకుల్లో భారీ అంచనాలు ఉన్నాయి. ఇప్పటికే ఈ సినిమా నుండి విడుదలైన పోస్టర్ లకు ప్రేక్షకుల నుండి మంచి స్పందన వచ్చింది. అయితే ఈరోజు సాయి పల్లవి పుట్టినరోజు సందర్భంగా మేకర్స్ ఈ సినిమా నుంచి ఓ స్పెషల్ వీడియోని విడుదల చేశారు. తాండల్ సినిమా షూటింగ్ లో సాయి పల్లవి డిఫరెంట్ ఎమోషన్స్ తో ఉన్న వీడియో అది. ఈ సినిమాలో నటిగా ఆమె నటన ఎలా ఉండబోతుందో వీడియో చూస్తే తెలిసిపోతుంది. సాయి పల్లవి ఫ్యాన్స్ కు ఇది కచ్చితంగా ఒక ట్రీట్ అని చెప్పాలి. ఈ సినిమాకు రాక్ స్టార్ దేవి శ్రీ ప్రసాద్ సంగీతం అందిస్తున్నారు. ఈ సినిమాని గీతా ఆర్ట్స్ బ్యానర్ పై ఈ చిత్రం ను ఎంతో ప్రతిష్టాత్మకంగా నిర్మిస్తున్నారు. ఈ చిత్రాన్ని డిసెంబర్ 20న థియేటర్ల లో రిలీజ్ చేసేందుకు మేకర్స్ సన్నాహాలు చేస్తున్నారు.