సూర్య సినిమాకి కొత్త సమస్య తెచ్చిన హీరో శివకార్తికేయన్.. !

తమిళ చిత్రసీమలో అగ్రనటుడ సూర్య హీరోగా నటించిన ‘కంగువ’ సినిమాకి దర్శకుడు శివ దర్శకత్వం వహించారు. ఇందులో దిశా పటానీ, బాబీ డియోల్, యోగి బాబు తదితరులు కీలక పాత్రల్లో నటించారు. ఈ సినిమాని స్టూడియో కిరిన్‌ పతాకంపై జ్ఞానవేల్‌రాజా నిర్మిస్తున్నారు.ఈ చిత్రం 14న ప్రపంచ వ్యాప్తంగా ప్రేక్షకుల ముందుకు రానుంది. ఈ నేపథ్యంలో తమిళనాడు ప్రభుత్వం సినిమా ప్రత్యేక ప్రదర్శనకు అనుమతి ఇచ్చింది. ఈ నేపథ్యంలో శివకార్తికేయన్‌ హీరోగా రాజ్‌కుమార్‌ పెరియసామి దర్శకత్వంలో తెరకెక్కిన ‘అమరన్‌’ సినిమా కారణంగా సూర్య సినిమాకి ఇబ్బంది పడిందని అంటున్నారు. ‘అమరన్’ సినిమా చాలా థియేటర్లలో సక్సెస్ ఫుల్ గా ఆడుతుండగా.. ‘కంగువ’ సినిమాకి థియేటర్ల కొరత ఏర్పడింది అని సమాచారం. దీంతో సూర్య సినిమాకి థియేటర్ల విషయంలో అమరన్‌ మూవీ సమస్య గా మారింది అని తెలుస్తుంది.