– త్వరలో మంత్రివర్గ విస్తరణ
– నేడు ఢిల్లీకి రేవంత్ రెడ్డి
– కీలకశాఖపై క్లారిటీ వచ్చే చాన్స్
– మైనార్టీకి అవకాశం ఇవ్వాలని చూస్తున్న కాంగ్రెస్
– షబ్బీర్ అలీకి హోం ఇవ్వాలని పట్టుబడుతున్న సీఎం రేవంత్ రెడ్డి?
– మంత్రి పదవులపై ఆశలు పెట్టుకున్న కాంగ్రెస్ లీడర్లు
– ఓడినవాళ్లకు ఇచ్చేది లేదంటూ కాంగ్రెస్ నిర్ణయం
– షబ్బీర్ అలీ విషయంలో మాత్రం మినహాయింపు ఇచ్చే చాన్స్
ఇదే నిజం, తెలంగాణ బ్యూరో: తెలంగాణ హోంశాఖ మంత్రిగా షబ్బీర్ అలీగా అవకాశం ఇవ్వబోతున్నట్టు సమాచారం. ఈ మేరకు కాంగ్రెస్ వర్గాల నుంచి జోరుగా ఊహాగానాలు వినిపిస్తున్నాయి. ఇక రేవంత్ రెడ్డి సైతం షబ్బీర్ అలీకి హోంశాఖ ఇవ్వాలని పట్టుబడుతున్నట్టు తెలుస్తోంది. మంత్రివర్గ విస్తరణలో భాగంగా ఆయనకు అవకాశం ఇవ్వబోతున్నట్టు సమాచారం. ఓడిపోయిన అభ్యర్థులకు పదవులు ఇవ్వొద్దని కాంగ్రెస్ పార్టీ నియమం పెట్టుకున్నప్పటికీ .. షబ్బీర్ అలీ విషయంలో మినహాయింపు ఇచ్చే చాన్స్ ఉందని తెలుస్తోంది. మైనార్టీ కోటా నుంచి షబ్బీర్ అలీకి అవకాశం వచ్చే చాన్స్ ఉందని తెలుస్తోంది.
హోం ఎంతో కీలకం
ఏ రాష్ట్రంలోనైనా హోంశాఖ అత్యంత కీలకమన్న విషయం తెలిసిందే. ఈ శాఖకు ముఖ్యమంత్రి తర్వాత అంతటి ప్రాధాన్యం ఉంటుంది. రాష్ట్రంలోని శాంతిభద్రతల బాధ్యతంతా హోంశాఖ. సహజంగా ప్రాంతీయ పార్టీలు అధికారంలో ఉన్న చోటు ముఖ్యమంత్రులు తనకు అనుకూలంగా ఉంటే నేతలను హోంశాఖ మంత్రులుగా నియమించుకుంటూ ఉంటారు. ఇక కాంగ్రెస్ పార్టీ జాతీయ పార్టీ కావడంతో హోంశాఖ ఎవరికి ఇస్తారన్నది ఇంట్రెస్టింగ్ మారింది. హోంశాఖను ఉత్తమ్ కుమార్ రెడ్డికి కేటాయించినట్టు తొలుత జోరుగా వార్తలు వచ్చాయి. అయితే ఆ శాఖను ఉత్తమ్ కుమార్ రెడ్డి ఇవ్వలేదు. ప్రస్తుతం సీఎం దగ్గరే ఉంది. దీంతో ఈ శాఖ ఎవరికి ఇవ్వబోతున్నారన్నది ఇంట్రెస్టింగ్ గా మారింది. రేవంత్ రెడ్డికి పడని సీనియర్ నేతలకు ఈ పోస్టు అప్పగిస్తే పాలనాపరమైన ఇబ్బందులు తలెత్తే అవకాశం ఉంది. అందుకే హోంశాఖ రేవంత్కు అనుకూలంగా ఉండే వ్యక్తికే ఇస్తారని సమాచారం.
మైనార్టీల వైపు మొగ్గు
హోంశాఖను మైనార్టీ నేతలకు కేటాయించాలని కాంగ్రెస్ హైకమాండ్ సైతం భావిస్తున్నట్టు సమాచారం. గత ఎన్నికల్లో మైనార్టీలు కొంత మేర కాంగ్రెస్ పార్టీకి అనుకూలంగా ఓట్లు వేశారు. దీంతో పార్లమెంటు ఎన్నికల నాటికి వారిని మరింత చేరువ చేసుకోవాలని కాంగ్రెస్ పార్టీ భావిస్తోంది. అందులో భాగంగానే ఇటీవల జరిగిన అసెంబ్లీ సమావేశాల్లో అక్బరుద్దీన్ కు ప్రొటెం స్పీకర్ గా అవకాశం ఇచ్చారు. ఎంతోమంది సీనియర్ ఎమ్మెల్యేలు ఉన్నప్పటికీ అక్బరుద్దీన్కే ఆ చాన్స్ రావడం గమనార్హం. ఇక తాజాగా హోంశాఖ కూడా మైనార్టీలకు కేటాయిస్తే వారంత తమ పట్ల సానుకూలంగా ఉంటారని కాంగ్రెస్ పార్టీ లెక్కలు వేసుకుంటున్నది. గత ప్రభుత్వంలో సీఎం కేసీఆర్.. షబ్బీర్ అలీకి హోంశాఖ కేటాయించిన విషయం తెలిసిందే. అదే స్ట్రాటజీని ఇప్పుడు కాంగ్రెస్ పార్టీ ప్లే చేయబోతున్నది. ఇక షబ్బీర్ అలీ సైతం రేవంత్ రెడ్డి కోసం తన సీటును త్యాగం చేశారు. నిజామాబాద్ అర్బన్ లో పోటీచేసి ఓడిపోయారు. ఇక కాంగ్రెస్ పార్టీలో మైనార్టీ కోటా నుంచి సీనియర్ లీడర్ గా ఉన్నారు. ఫిరోజ్ ఖాన్ సైతం నాంపల్లి అభ్యర్థిగా పోటీ చేసి ఓటమిపాలయ్యారు. దీంతో సీనియర్ లీడర్ షబ్బీర్ అలీ కనక అతడికే అవకాశం ఉందని తెలుస్తోంది. ఇక రేవంత్ రెడ్డి సైతం షబ్బీర్ అలీకి హోంశాఖ ఇవ్వాలని గట్టిగా పట్టుబడుతున్నారట. ఇక తాజాగా మంత్రి వర్గ విస్తరణ జరగబోతుండటంతో చాలా మంది ఆశలు పెట్టుకున్నారు. గ్రేటర్ హైదరాబాద్కు ప్రాధాన్యం ఇస్తారని తెలుస్తోంది.