IISC Online Course : డిజిటల్ హెల్త్పై ఆరు నెలల ఆన్‌లైన్ కోర్సు..
IISC Online Course : దేశంలోని ప్రముఖ విద్యాసంస్థ అయిన ఇండియన్ ఇన్‌స్టిట్యూట్ ఆఫ్ సైన్స్ (Indian Institute of Science), బెంగళూరు (Bangalore) డిజిటల్ హెల్త్ అండ్ ఇమేజింగ్‌లో ఆరు నెలల అడ్వాన్స్‌డ్ సర్టిఫికేషన్ ప్రోగ్రామ్ను ప్రారంభించింది.
హెల్త్‌కేర్, టెక్నాలజీ బిల్డింగ్ ఈ-హెల్త్, టెలిమెడిసిన్, పర్సనలైజ్డ్ హెల్త్‌కేర్, బయోటెక్, మెడికల్ డివైజ్‌ (Medical Device)లు, వేరబుల్స్, డిజిటల్ థెరప్యూటిక్స్ రంగాల్లో నిపుణులను తీర్చిదిద్దేందుకు ఈ ప్రోగ్రామ్ను అందిస్తోంది.
సైన్స్, ఇంజనీరింగ్ (Engineering), మెడిసిన్, ఫార్మసీ, మేనేజ్‌మెంట్‌లో బ్యాచిలర్స్ లేదా మాస్టర్స్ పూర్తి చేసిన విద్యార్థులు ఈ ప్రోగ్రామ్ (Program)కు దరఖాస్తు చేసుకోవచ్చు.
అయితే సంబంధిత విభాగంలో వారికి ఏడాది పని అనుభవం కూడా ఉండాలి.
టాలెంట్ స్ప్రింట్ భాగస్వామ్యంతో..
టాలెంట్‌స్ప్రింట్‌ భాగస్వామ్యంతో ఐఐఎస్సీ ఈ కోర్సును అందిస్తోంది.
ఆన్‌లైన్ కోర్సులో భాగంగా ఎడ్టెక్ కంపెనీకి చెందిన బ్రిడ్జ్ మాడ్యూల్ ద్వారా శిక్షణనిస్తోంది.
మ్యాథ్స్ (Math), ప్రోగ్రామింగ్‌లో అభ్యర్థి లోతైన అవగాహన పెంచుకోవడంలో సహాయపడుతుంది.
– దరఖాస్తు ప్రక్రియ పూర్తిగా ఆన్‌లైన్‌లోనే ఉంటుంది.
– అర్హత, ఆసక్తి గల అభ్యర్థులు www.iisc.talentsprint.com అధికారిక వెబ్‌సైట్‌ను సందర్శించి దరఖాస్తు చేసుకోవాలి.
– శని, ఆదివారాల్లో మాత్రమే క్లాసులు నిర్వహిస్తారు.
– భారతీయ అభ్యర్థులు రూ. 1,70,000, ఎన్నారై (NRI)లు $2,500 ఫీజు చెల్లించాల్సి ఉంటుంది.
– అభ్యర్థులను వారి విద్యార్హత, పని అనుభవం ఆధారంగా ఐఐఎస్సీ ఎంపిక చేస్తుంది.
కొత్త టెక్నాలజీలపై అవగాహన
ఈ ప్రోగ్రామ్ను ఐఐఎస్సీలోని సెంటర్ ఫర్ కంటిన్యూయింగ్ ఎడ్యుకేషన్ (CCE) విభాగం నిర్వహిస్తుంది.
హెల్త్ సెక్టార్లోని విద్యార్థులకు కొత్త టెక్నాలజీస్పై అవగాహన పెంచే విధంగా ఈ కోర్సును డిజైన్ చేసింది.
రీసెర్చ్ & డెవలప్‌మెంట్ (Research and Development) లాబొరేటరీలు, పరిశ్రమల్లో పనిచేసే రీసెర్చ్ సైంటిస్ట్‌లు/ఇంజినీర్లు, టెక్నాలజీ ఇంటెన్సివ్, డేటా ఆధారిత సంస్థల నిర్వాహకులకు ఈ కోర్సు (Course) ఎంతగానో ఉపయోగపడుతుందని అధికారిక నోటీసులో పేర్కొంది.
నేర్పించే అంశాలివే..
– ఈ డిజిటల్ హెల్త్ అండ్ ఇమేజింగ్ కోర్సులో భాగంగా ఎసెన్షియల్ మ్యాథ్, ప్రోగ్రామింగ్, డిజిటల్ హెల్త్ ఇంట్రడక్షన్, వేరెబుల్ డివైజెస్, ఫిజియోలాజికల్ సిగ్నల్ ప్రాసెసింగ్, మెషిన్ లెర్నింగ్ బేసిక్స్, డిజిటల్ హెల్త్ అండ్ ఇమేజింగ్/విజన్‌ వంటి విభాగాలపై లోతైన అవగాహన పెంచుకోవచ్చు.
– ఈ కోర్సులను నేర్చుకున్న అభ్యర్థులకు హెల్త్‌కేర్ డేటా (Health Care DATA) అనలిస్ట్, రీసెర్చ్ సైంటిస్ట్, హెల్త్ ఏఐ, సీనియర్ మెడికల్ ఇమేజింగ్ సాఫ్ట్‌వేర్ ఇంజనీర్, రీసెర్చ్ సైంటిస్ట్ – హెల్త్‌కేర్ ఇమేజ్ అనలిటిక్స్, డిజిటల్ హెల్త్ కన్సల్టెంట్ అండ్ డిజిటల్ హెల్త్ డెవలపర్గా అనేక అవకాశాలు లభిస్తాయి.
