దర్శకుడు శంకర్ దర్శకత్వంలో యూనివర్సల్ నటుడు కమల్ హాసన్ హీరోగా తెరకెక్కిస్తున్న భారీ పాన్ ఇండియా చిత్రం “ఇండియన్ 2”. షూటింగ్ పూర్తి చేసుకున్న ఈ సినిమా జూన్‌లో విడుదలకు సిద్ధమైన సంగతి తెలిసిందే. ఈ సినిమాలో కాజల్, రకుల్ ప్రీత్ సింగ్ అలాగే సిద్ధార్థ్ తదితరులు ముఖ్య పాత్రల్లో నటిస్తున్నారు. అయితే ఈ రిలీజ్‌కి ముందే తమిళనాట నిర్మాతలు ఆడియో లాంచ్‌ని గ్రాండ్‌గా ప్లాన్‌ చేస్తున్నారనే ఆసక్తికర వార్త వినిపిస్తోంది. చెన్నైలో ఆడియో లాంచ్ ఈవెంట్ మే 15న నిర్వహించనున్నారట. అలాగే ఈ వేడుకకు గ్లోబల్ స్టార్ రామ్ చరణ్, సూపర్ రజనీకాంత్ ఇద్దరూ హాజరయ్యే అవకాశాలు ఎక్కువగా ఉన్నాయని తెలుస్తుంది. త్వరలోనే దీనిపై అధికారిక క్లారిటీ రానుండగా, విడుదల తేదీపై కూడా అధికారిక ప్రకటన వెలువడే అవకాశం ఉంది. ఈ చిత్రానికి అనిరుధ్ సంగీతం అందించారు. ఈ చిత్రానికి లైకా ప్రొడక్షన్స్ ఈ చిత్రాన్ని భారీ బడ్జెట్‌తో నిర్మించింది
- Advertisment -
