జబర్దస్త్ షో ద్వారా వెలుగులోకి వచ్చి, బిగ్ బాస్ ద్వారా మరింత ఫేమస్ అయిన ప్రముఖ కమెడియన్ అవినాశ్ కుటుంబంలో నిరాశ అలముకుంది. అవినాశ్ అర్ధాంగి అనూజకు అబార్షన్ జరిగింది. బిడ్డకు జన్మనివ్వడం అనేది ఎవరికైనా ఒక మధురానుభూతి. కానీ, తాము ఆ అదృష్టాన్ని కోల్పోయామని అవినాశ్ సోషల్ మీడియా ద్వారా వెల్లడించాడు.
తన భార్యకు అబార్షన్ జరిగిందని, బిడ్డ భూమ్మీదకు రాకుండానే కోల్పోయామని తీవ్ర విచారం వ్యక్తం చేశాడు. బాధ అయినా, సంతోషమైనా తన జీవితంలో అభిమానులకు అత్యంత ప్రాధాన్యత ఇస్తానని, అందుకే ఈ విషాదకర వార్తను అభిమానులతో పంచుకుంటున్నట్లు అవినాష్ తెలిపాడు.
అమ్మానాన్న అనిపించుకోవాలని తాను, తన భార్య ఎంతో ఆరాటపడ్డామని, కొన్ని కారణాల వల్ల బిడ్డను కోల్పోవాల్సి వచ్చిందని తీవ్ర ఆవేదన వ్యక్తం చేశాడు. ఈ విషయాన్ని తాము జీర్ణించుకోలేకపోతున్నామని చెప్పాడు.
