తమిళ హీరో శివకార్తికేయన్, సాయి పల్లవి కలిసి నటించిన సినిమా ‘అమరన్’. రాజ్కుమార్ పెరియసామి దర్శకత్వం వహించిన ఈ సినిమా దీపావళి కానుకగా అక్టోబర్ 31న విడుదలై మంచి విజయం సాధించింది. ఈ సందర్భంగా ‘అమరన్’ మూవీ టీమ్ సక్సెస్ మీట్‌ని ఏర్పాటు చేసింది. హీరో నితిన్ ముఖ్య అతిథిగా హాజరుయ్యారు.
ఈ సక్సెస్ మీట్ లో హీరో నితిన్ మాట్లాడుతూ.. ఈ సినిమాని దర్శకుడు రాజ్కుమార్ ఈ చిత్రాన్ని అద్భుతంగా తెరకెక్కించారు. క్లైమాక్స్‌లోని ఎమోషనల్ సీన్స్ నిజంగా హృదయాన్ని హత్తుకునేలా ఉన్నాయి అని అన్నారు. ఈ సినిమాలో హీరోయిన్ సాయి పల్లవి డ్యాన్స్‌కి నేను కూడా పెద్ద అభిమానిని. సాయి పల్లవితో ఓ సినిమాలో డాన్స్ చేయాలని ఉంది అని తెలిపారు.
నేను, శివ కార్తికేయన్ గత నాలుగేళ్లుగా ఫోన్‌లో, మెసేజ్‌ల ద్వారా మాట్లాడుకుంటున్నాం, కానీ ఎప్పుడు నేరుగా కలవలేదు…ఆఖరికి ఈరోజు ఈ సక్సెస్ మీట్‌లో కలవడం చాలా ఆనందంగా ఉంది. ఈ సినిమాలో శివ కార్తికేయన్ జీవించాడుని అన్నారు.ఈ సినిమాతో శివ కార్తికేయన్ మన తెలుగు హీరో అయ్యాడు.
అయితే ఈ సక్సెస్ మీట్ లో తమిళ హీరో శివ కార్తికేయన్ ఫోన్ లో చూస్తూ తెలుగు స్పీచ్ ఇచ్చారు. అయితే దానికి కౌంటర్ గా నితిన్.. శివ కార్తికేయన్ గారు ఈసారి మీ సినిమా ఈవెంట్ లో కాపీ కొట్టి తెలుగు మాట్లాడటం కాదు… తెలుగు నేర్చుకుని స్పీచ్ ఇవ్వాలి అంటూ నితిన్ కామెంట్స్ చేసాడు.
కాపీ కొట్టి తెలుగు మాట్లాడటం కాదంటూ.. తమిళ హీరోకి నితిన్ కౌంటర్
