గతంలో సూపర్ హిట్ అయిన ‘డీజే టిల్లు’ సినిమాకు సీక్వెల్ గా వచ్చి ‘టిల్లు స్క్వేర్’ సంచలన విజయం అందుకుంది. ఫస్ట్ పార్టులో సిద్ధూ జొన్నలగడ్డ.. నేహా శెట్టి జంటగా నటించగా.. సెకండ్ పార్టులో అనుపమ పరమేశ్వరన్ కథానాయికగా నటించించింది. ఈ మూవీ మల్లిక్ రామ్ దర్శకత్వం వహించగా.. భీమ్స్ సిసిరోలియో సంగీతం అందించారు. సితార ఎంటర్టైన్మెంస్ ఫార్చ్యున్ ఫోర్ సినిమాస్ ఈ సినిమాను నిర్మించాయి.
‘టిల్లు స్క్వేర్’ గత వారం రోజుల్లో తెలుగు రాష్ట్రాల్లో రికార్డుల వేట కొనసాగిస్తుంది. మార్చి 29న రిలీజ్ అయిన ఈ సినిమా ఘన విజయాన్ని అందుకుంది. మొదటి రోజే రూ. 23 కోట్లకు పైగా కలెక్షన్స్ రాబట్టి సంచలనం సృష్టించింది. ‘టిల్లు స్క్వేర్’ సూపర్‌హిట్‌ అవడంతో.. మూవీటీం సక్సెస్‌మీట్ నిర్వహించనుంది. దీనికి ఎన్టీఆర్ ముఖ్య అతిథిగా హాజరుకానున్నారు.
