పసికూన చేతిలో కంగుతిన్న పాకిస్థాన్.. వారినే గెలవలేదు ఇంకా వరల్డ్ కప్ ఎలా గెలుస్తారో..?

పాకిస్థాన్‌కు ఐర్లాండ్ షాక్ ఇచ్చింది. ఐర్లాండ్ శుక్రవారం డబ్లిన్‌లో జరిగిన మ్యాచ్‌లో పాకిస్థాన్‌ను ఐదు వికెట్ల తేడాతో ఓడించింది. టీ20ల్లో పాకిస్థాన్‌పై ఐర్లాండ్‌కు ఇదే తొలి విజయం విశేషం. తొలుత బ్యాటింగ్ చేసిన పాకిస్థాన్ నిర్ణీత 20 ఓవర్లలో ఆరు వికెట్ల నష్టానికి 182 పరుగులు చేసింది. ఈ ఇన్నింగ్స్ లో బాబర్ అజామ్ 43 బంతుల్లో57 పరుగులు చేయగా, సయిమ్ అయుబ్ 29 బంతుల్లో45 పరుగులతో టాప్ స్కోరర్లు గా నిలిచారు. ఐర్లాండ్ బౌలర్లలో క్రెయిగ్ యంగ్ రెండు వికెట్లతో సత్తాచాటాడు.అనంతరం లక్ష్యాన్ని ఐర్లాండ్ 19.5 ఓవర్లలో ఐదు వికెట్లు కోల్పోయి ఛేదించింది. ఓపెనర్ ఆండీ బల్బిర్నీ 55 బంతుల్లో 77 పరుగులు చేసి విజయంలో కీలకపాత్ర పోషించాడు. హ్యారీ టెక్టర్ 27 బంతుల్లో 36 పరుగులతో రాణించారు. పాక్ బౌలర్లలో అబ్బాస్ అఫ్రిది రెండు వికెట్లు తీశాడు. మరికొద్ది రోజుల్లో టీ20 ప్రపంచకప్ జరగనున్న నేపథ్యంలో పాకిస్థాన్ కు వరుస షాక్ లు తగులుతున్నాయి. గత నెలలో సొంతగడ్డపై న్యూజిలాండ్ ద్వితీయ శ్రేణి జట్టు తో పాకిస్థాన్ ఘోర పరాజయాన్ని చవిచూసింది. తాజాగా పాకిస్థాన్‌కు ఐర్లాండ్ షాకిచ్చింది. మరో ఆసక్తికరమైన విషయం ఏమిటంటే.. టీ20 ప్రపంచకప్‌లో గ్రూప్-ఎలో ఐర్లాండ్‌తో పాటు భారత్, పాకిస్థాన్, కెనడా, యూఎస్‌ఏలు ఉన్నాయి. సాధారణ టీ20 సిరీస్ లో మ్యాచ్ లో గెలవడానికి పాకిస్థాన్‌ కష్టపడుతుంది… ఇలా ఆడితే ఇంకా పాకిస్థాన్‌ టీ20 ప్రపంచకప్‌ గెలవడం కష్టమే అని నిపుణులు అభిప్రాయపడుతున్నారు.