మాజీ రాష్ట్రపతి ప్రణబ్ ముఖర్జీ ఆరోగ్య పరిస్థితి ఆందోళనకరంగా ఉన్నట్లు సమాచారం. గత 48 గంటలుగా ఆయన ఆరోగ్యం తీవ్ర ఆందోళనకరంగా ఉండగా ప్రస్తుతం ప్రణబ్ కోమాలోకి వెళ్ళినట్లు సమాచారం. మెదడులో రక్తం గడ్డ కట్టడంతో బ్రెయిన్ సర్జరీ కోసం ప్రణబ్ను ఆసుపత్రిలో చేర్చారు. దీంతో పాటు ఆస్పత్రి వర్గాలు ఆయనకు కరోనా పరీక్షలు జరుపగా కరోనా పాజిటివ్ ఉన్నట్లు నిర్ధారణ అయింది. ఆర్మీ ఆసుపత్రి అయిన ఆర్అండ్ఆర్ ఆసుపత్రిలో ప్రస్తుతం ప్రణబ్ చికిత్స తీసుకుంటున్నారు. ఆయనకు వెంటిలేటర్పై చికిత్స అందిస్తున్నారు వైద్యులు. శ్వాస తీసుకోవడంలో తీవ్ర ఇబ్బందిని ఎదుర్కొంటున్నట్లు వైద్యులు తెలిపారు. ప్రస్తుతం ప్రణబ్ కోమాలోకి వెళ్ళడంతో ఆయన కుటుంబసభ్యులు, అభిమానులు ఆందోళన చెందుతున్నారు. అయితే ఆయన శరీరంలోని ఇతర ముఖ్య అవయవాలు అన్నీ సక్రమంగానే పనిచేస్తున్నందున అంతగా ప్రమాదం లేదని వైద్యులు దైర్యం చెబుతున్నారు.
- Advertisment -
