ఐకాన్ స్టార్ అల్లు అర్జున్‌ హీరోగా నటించిన సినిమా ‘పుష్ప 2’. ఈ సినిమాకి సుకుమార్ దర్శకత్వం వహించారు. తాజాగా ఈ సినిమా విడుదల తేదిని చిత్రబృందం ప్రకటించింది. ఈ సినిమాని డిసెంబర్ 6న విడుదల చేస్తామని చిత్రబృందం గతంలో ప్రకటించిన సంగతి తెలిసిందే.. కానీ ఇప్పుడు ఈ తేదీని మార్చి కొత్త తేదీని ఫిక్స్ చేశారు. ఈ సినిమాని డిసెంబర్ 5న విడుదల చేయనున్నట్టు ఒక పోస్టర్ ని చిత్రబృందం రిలీజ్ చేసింది.ఈ సినిమాలో రష్మిక మందన్న కథానాయికగా నటిస్తుండగా, అనసూయ, సునీల్, ఫహద్ ఫాజిల్ తదితరులు కీలక పాత్రలు పోషిస్తున్నారు.ఈ సినిమాని అత్యంత భారీ బడ్జెట్ తో మైత్రీ మూవీ మేకర్స్ బ్యానర్‌సై నవీన్ ఎర్నేని, రవి యలమంచలి సంయుక్తంగా నిర్మించారు. ఈ సినిమా పూర్తి స్థాయి బిజినెస్ 1065 కోట్ల మేర జరిగిందని ట్రేడ్ వర్గాలు వెల్లడించాయి.
పుష్ప రాజ్ పాలన ఒక రోజు ముందుగానే… ‘పుష్ప 2’ రిలీజ్ డేట్ వ‌చ్చేసింది..!
