స్టార్ డైరెక్టర్ శంకర్ దర్శకత్వంలో మెగాపవర్ స్టార్ ‘రామ్ చరణ్ తేజ్’ హీరోగా తెరకెక్కుతున్న పాన్ ఇండియా సినిమా “గేమ్ చేంజర్”. ఈ సినిమా కొత్త షెడ్యూల్‌కి సంబంధించి కొత్త అప్‌డేట్ వచ్చింది. ఈ సినిమా షూటింగ్ మే 1 నుంచి చెన్నైలో జరగనుంది. నిన్నటితో హైదరాబాద్ షెడ్యూల్ పూర్తయిందని తెలుస్తోంది. శంషాబాద్‌లో రామ్ చరణ్, సునీల్, నవీన్ చంద్ర కాంబోలో పలు సన్నివేశాలను చిత్రీకరించినట్లు తెలుస్తుంది. ఈ క్రమంలో నెక్స్ట్ షెడ్యూల్ కూడా ఫిక్స్ అయింది. ఈ షెడ్యూల్ చాలా కీలకమని, ఫ్లాష్ బ్యాక్ లో చరణ్ సీనియర్ పాత్రపై ఈ షెడ్యూల్ ఉంటుందని తెలుస్తోంది. ఈ సినిమాపై మెగా అభిమానులు చాలా ఆశలు పెట్టుకున్నారు. ఆ అంచనాలకు తగ్గట్టుగానే శంకర్ ఈ సినిమాలో అన్ని రకాల కమర్షియల్ ఎలిమెంట్స్ పెడుతున్నారని తెలుస్తోంది. ఈ సినిమాలో అంజలి, శ్రీకాంత్, ఎస్‌జె సూర్య, నవీన్ చంద్ర వంటి ప్రముఖ నటీనటులు కీలక పాత్రలు పోషిస్తున్నారు.
- Advertisment -
