payal rajput putting a bottle of wine in front of her and giving an explanation about it has become a hot topic on social media.
బాబోయ్.. ముద్దుగుమ్మ పాయల్ రాజ్పుత్ ఏకంగా ఫుల్ బాటిలే ముందు పెట్టుకుందిగా! మామూలుగా లేదు అమ్మడి స్పీడు.. ఇదే ఆమె షేర్ చేసిన తాజా ఫోటో చూసి ప్రతి ఒక్కరి ఫీలింగ్. ‘మద్యం సేవించడం ఆరోగ్యానికి హానికరం’ అనేది అందరికీ తెలిసినా.. ఓ మహిళ, అందునా స్టార్ హీరోయిన్ ఇలా డేరింగ్ అండ్ డాషింగ్గా మందు బాటిల్ ముందు పెట్టుకోవడం, పైగా దాని గురించి వివరణ ఇవ్వడం సోషల్ మీడియాలో హాట్ టాపిక్ అయింది.
ఇంతకీ పాయల్ నిజంగానే మందు కొడుతోందా? లేక ఇక్కడ కూడా ఏదైనా ట్విస్ట్ ఉందా..? అంటే అవుననే చెప్పుకోవాలి. సినిమాల్లోనే కాదు నిజ జీవితంలోనూ బోల్డ్గా ఉంటూ ఏ విషయాన్నైనా కుండబద్దలు కొట్టేలా మాట్లాడటం పాయల్ స్టైల్. అమ్మడి సోషల్ మీడియా చలాకీతనం గురించి చెప్పుకోవాల్సిన పనే లేదు. ఇప్పుడు వీటన్నింటినీ మేళవించి మందు బాటిల్ ముందు పెట్టేసి మరోసారి రచ్చచేసింది పాయల్.
ఇక అసలు విషయానికొస్తే.. హీరోయిన్లలో కెల్లా తాను డిఫరెంట్, తన దారి అంతకన్నా డిఫరెంట్ అన్నట్లుగా ఏకంగా ఓ విస్కీ కంపెనీని ప్రమోట్ చేసేందుకు పాయల్ ఇలా పోజిచ్చిందని అర్థమవుతోంది. ప్రముఖ విస్కీ యాడ్ షూట్లో పాయల్ పాల్గొందని తెలుస్తోంది. ఇకపోతే తెలంగాణలో ఈ విస్కీ చాలా బాగుంటుందంటూ ఓ ప్రమోషన్ స్టంట్ కూడా విసరడంతో మందు గ్లాసుతో పాయల్ చేసిన రచ్చ హాట్ టాపిక్ అయింది.
Rx 100 సినిమాతో వెండితెరపై గ్లామర్ ఒలకబోసిన పాయల్ రాజ్పుత్ ఆ తర్వాత డిస్కో రాజా, వెంకీమామ సినిమాలతో అలరించింది. ప్రస్తుతం సెలెక్టెడ్ సినిమాలు ఎంచుకుంటున్న ఈ బ్యూటీ కెమెరా ముందు అందాలు ఆరబోయడానికి ఏ మాత్రం అడ్డు చెప్పడం లేదు.
అలాగే తన పాత్రకు ప్రాధానత్య ఉండే సినిమాలపై మొగ్గు చూపుతున్న ఆమె.. లేడీ ఓరియెంటెడ్ సినిమాలతో అలరించేందుకు రెడీ అవుతోంది. ప్రస్తుతం తన లేటెస్ట్ మూవీ ‘అనగనగా ఓ అతిథి’ సినిమా ప్రమోషన్స్తో బిజీగా ఉంది పాయల్.