ఆనంద్, గోదావరి, హ్యాపీడేస్, ఫిదా, లవ్ స్టోరీ లాంటి ఫీల్గుడ్ మూవీస్తో భారీ హిట్లు కొట్టిన డైరెక్టర్ శేఖర్ కమ్ముల. లీడర్ సినిమాతో రానాను లాంచ్ చేసి మంచి మెసేజ్ ఓరియెంటెడ్ సినిమాను సైతం శేఖర్ టాలీవుడ్కు అందించారు. అయితే, కాస్త ఎక్కువ గ్యాప్ తీసుకునే శేఖర్ కమ్ముల గుర్తుండిపోయే సినిమాలను అందిస్తారు. శేఖర్ కమ్ముల చివరి సినిమా 2021లో నాగచైతన్య, సాయిపల్లవి నటించిన లవ్ స్టోరీ. ఆ సినిమా రిలీజై రెండేళ్లు దాటినా ఆయన మరో సినిమాను మొదలుపెట్టలేదు. అయితే, తమిళ టాలెంటెడ్ యాక్టర్ ధనుష్తో శేఖర్ కమ్ముల ఓ భారీ పాన్ ఇండియా మూవీ తీయనున్నట్లు అందరికీ తెలిసిందే. ఈ సినమా అనౌన్స్మెంట్ అయి నెలలు గడుస్తున్నా ఇప్పటికీ షూటింగ్ మొదలుకాలేదు. అయితే, ఎట్టకేలకు మేకర్స్ ఈ సినిమా షూటింగ్ను స్టార్ట్ చేసేందుకు ముహూర్తం ఫిక్స్ చేసినట్లు బజ్ వినిపిస్తోంది. వచ్చే ఏడాది జనవరిలో ముంబయిలో షూటింగ్ స్టార్ట్ చేయనున్నట్టుగా తెలుస్తోంది. ఇక ఈ సినిమాకి దేవిశ్రీప్రసాద్ మ్యూజిక్ ఇవ్వనున్నారనే టాక్ నడుస్తోంది. తెలుగు, తమిళ్, హిందీ భాషల్లో ఈ సినిమా విడుదల కానుంది. తమిళ స్టార్ నటుడు ధనుష్కు ఇది రెండో స్ట్రెయిట్ తెలుగు సినిమా కానుంది. గతేడాది వెంకీ అట్లూరి డైరెక్షన్లో ‘సార్’సినిమాలో ధనుష్ హీరోగా నటించారు. ఆ మూవీ బ్లాక్ బస్టర్ హిట్ను అందుకున్న సంగతి తెలిసిందే.
- Advertisment -
