– గెజిట్ విడుదల చేసిన ఎన్నికల అధికారులు
– 10వ తేదీ వరకు కొనసాగనున్న ప్రక్రియ
ఇదేనిజం, హైదరాబాద్: రాష్ట్రంలో నామినేషన్ల ప్రక్రియ మొదలైంది. ఈ మేరకు ఎన్నికల సంఘం గెజిట్ను విడుదల చేసింది. శుక్రవారం ఉదయం ఎన్నికల అధికారులు గెజిట్ నోటిఫికేషన్‌ విడుదల చేశారు. 11 గంటలకు ఫారం-1 నోటీసులు జారీ చేశారు. ఆ తర్వాత నామినేషన్లను స్వీకరిస్తున్నారు. 10 వ తేదీవరకు అధికారులు నామినేషన్ల ప్రక్రియను కొనసాగించనున్నారు. ఈసారి అభ్యర్థులు వారి నేరాల చిట్టాను స్పష్టంగా పేర్కొనాలని ఈసీ కొత్త రూల్ తీసుకొచ్చింది. శుక్రవారం మంచి ముహూర్తం ఉండటంతో పలువురు అభ్యర్థులు నామినేషన్లు దాఖలు చేస్తున్నారు. ఈ నెల 4, 7, 8, 9, 10 తేదీల్లోనూ మంచి రోజులు ఉండటంతో భారీగా నామినేషన్లు దాఖలయ్యే చాన్స్ ఉంది.
