‘పుష్ప 2’లో నుంచి మరో సాంగ్ రానుందా?

డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా వస్తున్న చిత్రం “పుష్ప 2 ది రూల్”. ఈ సినిమాలో రష్మిక మందన్న హీరోయిన్ గా నటిస్తున్నారు. ఈ సినిమా పై ఇప్పటికే భారీ అంచనాలు నెలకొని ఉన్న విషయం తెలిసిందే. ఇప్పటికే ఈ సినిమా నుంచి విడుదలైన టీజర్ కు నేషనల్ వైడ్ గా సెన్సేషనల్ రెస్పాన్స్ వచ్చింది. అలాగే ఈ సినిమా నుండి ఫస్ట్ సింగిల్ పుష్ప పుష్ప అంటూ సాగే పాటను మేకర్స్ రిలీజ్ చేసిన సంగతి తెలిసిందే. ఈ ‘పుష్ప పుష్ప’ లిరికల్‌ సాంగ్‌ను మొత్తం 6 భాషల్లో చిత్ర యూనిట్ రిలీజ్ చేసింది. ఇప్పుడు ఈ పాటకు కూడా అదిరిపోయే రెస్పాన్స్ వస్తోంది. అయితే ‘పుష్ప 2’లో నుంచి మెలోడీ సాంగ్ విడుదల చేయాలనీ ప్లాన్ చేస్తున్నట్లు తెలుస్తుంది. పుష్ప సినిమాలోని బంగారమాయెనే శ్రీవల్లీ అనే మెలోడీ పాట పెద్ద హిట్ అయింది. ఇప్పుడు పుష్ప 2లో మళ్లీ అలాంటి మ్యాజిక్ రిపీట్ చేస్తున్నారని తెలుస్తుంది. అంతేకాదు త్వరలో ఈ పాటను విడుదల చేయనున్నారనే టాక్ వినిపిస్తోంది. ఈ చిత్రంలో ఫాహద్ ఫాసిల్, అనసూయ భరద్వాజ్, ధనంజయ, రావు రమేష్, సునీల్ తదితరులు కీలక పాత్రల్లో నటిస్తున్నారు.