Hero venkatesh:వెంకటేష్ 75వ సినిమా ‘సైంధవ్’
Hero venkatesh:
హీరో వెంకటేష్ నటిస్తున్న 75వ సినిమాకు ‘సైంధవ్’ అనే టైటిల్ను ప్రకటించారు. ఈ చిత్రాన్ని దర్శకుడు శైలేష్ కొలను రూపొందిస్తున్నారు. ఈ చిత్రాన్ని నిహారిక ఎంటర్టైన్మెంట్స్ పతాకంపై వెంకట్ బోయనపల్లి నిర్మిస్తున్నారు. యాక్షన్ థ్రిల్లర్ కథతో ఈ సినిమా తెరకెక్కనున్నట్లు తెలుస్తున్నది. బుధవారం ఈ చిత్రాన్ని అనౌన్స్ చేశారు. ఈ సందర్భంగా టైటిల్తో పాటు వీడియో గ్లింప్స్ రిలీజ్ చేశారు. ఇందులో చంద్రప్రస్థ అనే పోర్ట్ సిటీలో వెంకటేష్ కొందరు విలన్లతో పోరాడే సీన్ చూపించారు.
‘నేను ఇక్కడే ఉంటాను..ఎక్కడికి వెళ్లను.. రమ్మను’ అంటూ ఓ పవర్ఫుల్ డైలాగ్తో గ్లింప్స్ ఆకట్టుకుంది. త్వరలో ఈ సినిమా రెగ్యులర్ చిత్రీకరణ ప్రారంభమవుతున్నది. పాన్ ఇండియా స్థాయిలో హిందీతో పాటు తమిళ, కన్నడ, మలయాళ భాషల్లో ఈ చిత్రాన్ని ప్రేక్షకుల ముందుకు తీసుకురానున్నట్లు చిత్రబృందం ప్రకటించింది. ఈ చిత్రానికి సంగీతం : సంతోష్ నారాయణ్.